Zakharia 4
4:1 Malaéka' iya puraé mabbicara lao ri iyya'ro polési sibawa tedduka pada-pada teddué tau matinro.
4:2 Makkutanani, "Aga muwita?" Mappébalika, "Séddi ajé lampu polé ri ulawengngé. Ri cappa yasé'na engka onrong minnya'na, sibawa ri mattulilinna engka pitu lampu, iya tungke-tungke'é mappunnai pitu onrong sumbung.
4:3 Ri seddé atau sibawa abéyona ajé lampuéro engka duwa pong zaitun."
4:4 Nainappaka makkutana lao ri malaéka'éro, "Aga iya ripulambangngé ri barab-barangngéro, Puwang?"
4:5 "Dé'ga muwissengngi?" pakkutanana lao ri iyya. Pappébalikku, "Dé' Puwang."
4:6 (ay .10b) Makkedai iyaro malaéka'é lao ri iyya, "Iya pitu lampuéro iyanaritu iya pitu matanna PUWANGNGE iya jagaiyéngngi sininna tompo'na linoé." *Aya' 10b lettu aya' 14 ripalétté'i ri onrongngéwé polé ri paccappurenna passalengngé kuwammengngi nasicoco' assiturusenna kajajiyangngé.*
4:7 (ay. 11) Nainappaka makkutanasi ri aléna, "Aga bettuwanna iya duwa pong zaitungngé ri atau abéyona lampuéro?
4:8 (ay. 12) Aga topa bettuwanna takké zaitun ri benrénna iya duwa pipa ulaweng iya passolo'éngngi minnya zaitungngéro?"
4:9 (ay. 13) Pappébalinna ri iyya, "Dé'ga muwissengngi?" "Dé' Puwang." pappébalikku.
4:10 (ay. 14) Makkedani, "Iyaro iyanaritu duwa tau iya puraé napilé PUWANGNGE sininna alangngé sibawa rijello untu' Tumaningiwi."
4:11 (ay. 6) Iyaro malaéka'é nasuroka palettu'i lao ri Zérubabél pasenna PUWANG-ngéwé, "Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.
4:12 (ay. 7) Muwi pallawa silloppoé bulué maddésu'to matu polé ri yolomu. Mupatettongngi matu paimeng Bola-Ku, na wettunna mupalénne batu iya mapongngé ri onronna, gorai matu sining tauwé, 'Anengka makkuwa gellona!' "
4:13 (ay. 8) Nainappa polési paseng iya laingngé polé ri PUWANGNGE.
4:14 (ay. 9) Adan-Na, "Purani napalénne Zérubabél pandaménna Bola-Ku, sibawa napattépui matu sininna bolaéro. Rékko kajajiyangngi iyaro, naissengngi matu umma'-Ku makkedaé Iyya ritu pura suroko Zakharia lao ri mennang.
4:15 (ay. 10a) Engka dé' nabati-batiwi iyaé kajajiyangngé. Iyakiya naitai matu mennang Zérubabél patterui appatettongenna Bola-Ku, sibawa marennui matu mennang."
4:2 Makkutanani, "Aga muwita?" Mappébalika, "Séddi ajé lampu polé ri ulawengngé. Ri cappa yasé'na engka onrong minnya'na, sibawa ri mattulilinna engka pitu lampu, iya tungke-tungke'é mappunnai pitu onrong sumbung.
4:3 Ri seddé atau sibawa abéyona ajé lampuéro engka duwa pong zaitun."
4:4 Nainappaka makkutana lao ri malaéka'éro, "Aga iya ripulambangngé ri barab-barangngéro, Puwang?"
4:5 "Dé'ga muwissengngi?" pakkutanana lao ri iyya. Pappébalikku, "Dé' Puwang."
4:6 (ay .10b) Makkedai iyaro malaéka'é lao ri iyya, "Iya pitu lampuéro iyanaritu iya pitu matanna PUWANGNGE iya jagaiyéngngi sininna tompo'na linoé." *Aya' 10b lettu aya' 14 ripalétté'i ri onrongngéwé polé ri paccappurenna passalengngé kuwammengngi nasicoco' assiturusenna kajajiyangngé.*
4:7 (ay. 11) Nainappaka makkutanasi ri aléna, "Aga bettuwanna iya duwa pong zaitungngé ri atau abéyona lampuéro?
4:8 (ay. 12) Aga topa bettuwanna takké zaitun ri benrénna iya duwa pipa ulaweng iya passolo'éngngi minnya zaitungngéro?"
4:9 (ay. 13) Pappébalinna ri iyya, "Dé'ga muwissengngi?" "Dé' Puwang." pappébalikku.
4:10 (ay. 14) Makkedani, "Iyaro iyanaritu duwa tau iya puraé napilé PUWANGNGE sininna alangngé sibawa rijello untu' Tumaningiwi."
4:11 (ay. 6) Iyaro malaéka'é nasuroka palettu'i lao ri Zérubabél pasenna PUWANG-ngéwé, "Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.
4:12 (ay. 7) Muwi pallawa silloppoé bulué maddésu'to matu polé ri yolomu. Mupatettongngi matu paimeng Bola-Ku, na wettunna mupalénne batu iya mapongngé ri onronna, gorai matu sining tauwé, 'Anengka makkuwa gellona!' "
4:13 (ay. 8) Nainappa polési paseng iya laingngé polé ri PUWANGNGE.
4:14 (ay. 9) Adan-Na, "Purani napalénne Zérubabél pandaménna Bola-Ku, sibawa napattépui matu sininna bolaéro. Rékko kajajiyangngi iyaro, naissengngi matu umma'-Ku makkedaé Iyya ritu pura suroko Zakharia lao ri mennang.
4:15 (ay. 10a) Engka dé' nabati-batiwi iyaé kajajiyangngé. Iyakiya naitai matu mennang Zérubabél patterui appatettongenna Bola-Ku, sibawa marennui matu mennang."
Comments
Post a Comment