Zakharia 3
3:1 Ri laleng pakkitang iya laingngéssi, nappaitangngi PUWANGNGE lao ri iyya Imang Lompo Yosua mattengngang tettong ri yolona malaéka'na PUWANGNGE. Ri seddéna Yosua, tettonni Sétangngé *Sétangngé: Asenna mabbéréi tanrang makkedaé riyangga'i selaku balinna tolinoé.* iya sadiyaénna untu' tenre'i.
3:2 Makkedai malaéka'na PUWANGNGE *Séddi bettuwang mariyoloé: Malaéka'na PUWANGNGE; Ibrani: PUWANGNGE.* lao ri Sétangngé, "Tennapodo PUWANGNGE hukkukko éh Sétang! Tennapodo iya méloriyéngngi Yérusalém hukkukko. Iyaé tauwé padai appulu iya rigettengngé polé ri luwa' apié."
3:3 Tettongngi Yosua kuwaro paké pakéyang macarépa senna.
3:4 Namakkedana iyaro malaéka'é lao ri pabbantu-pabbantué ri surugaé, "Abbéyanni pakéyang carépa iya napaké tauwéwé." Sibawa lao ri Yosua makkedai, "Purani uwabbéyang dosamu, uwérékko matu pakéyang iya mabarué."
3:5 Naparéntanni pabbantu-pabbantunna untu' mappasang *Siyagangngaré bettuwang mariyoloé: Naparéntanni pabbantu-pabbantunna untu' mappasang; Ibrani: Makkeda-Ka, "Suroi mennang mappasang."* passapu iya mapaccingngé ri ulunna Yosua. Turuni mennang sibawa puranaro mennang pappakéiwi pakéyang iya mabarué sibawa rijagai ri malaéka'na PUWANGNGE.
3:6 Nainappa iyaro malaéka'na napalettu adanna PUWANGNGE lao ri Yosua,
3:7 "Rékko mupatoiwi hukkung-hukkuk-Ku nenniya pogau'i jama-jamang iya uwéréngngékko, untu' matteru weddikko mancaji pamimping ri laleng Bola-Ku sibawa murusu'i seddéna. Uwéngkalingai matu sining sempajammu, pada-pada uwéngkalingai sempajanna sining malaéka iya engkaé ri seddé-Ku.
3:8 Engkalingai éh Imang Lompo Yosua, makkuwatoro iko imang-ngimang iya mancajiyé sellao-sellaona, iko maneng iyanaritu lambanna wettu mangolo iya makessingngé. Iyaro wettué Usuroi matu atak-Ku iya riyasengngé 'Cura''.
3:9 Upalénne'i matu ri yolona Yosua séddi batu massulapa pitu iya Usobbi'é matu sibawa oki-oki. Ri laleng si essoé Uwabbéyangngi matu dosaé polé ri wanuwaéwé.
3:10 Rékko narapini iyaro essoé, tungke tau naobbii matu balibolana untu' polé sibawa péneddingiwi adaméngengngé nenniya asaléwangengngé ri tengnga-tengngana palla-palla anggoro'mu sibawa ajukajung aramu."
3:2 Makkedai malaéka'na PUWANGNGE *Séddi bettuwang mariyoloé: Malaéka'na PUWANGNGE; Ibrani: PUWANGNGE.* lao ri Sétangngé, "Tennapodo PUWANGNGE hukkukko éh Sétang! Tennapodo iya méloriyéngngi Yérusalém hukkukko. Iyaé tauwé padai appulu iya rigettengngé polé ri luwa' apié."
3:3 Tettongngi Yosua kuwaro paké pakéyang macarépa senna.
3:4 Namakkedana iyaro malaéka'é lao ri pabbantu-pabbantué ri surugaé, "Abbéyanni pakéyang carépa iya napaké tauwéwé." Sibawa lao ri Yosua makkedai, "Purani uwabbéyang dosamu, uwérékko matu pakéyang iya mabarué."
3:5 Naparéntanni pabbantu-pabbantunna untu' mappasang *Siyagangngaré bettuwang mariyoloé: Naparéntanni pabbantu-pabbantunna untu' mappasang; Ibrani: Makkeda-Ka, "Suroi mennang mappasang."* passapu iya mapaccingngé ri ulunna Yosua. Turuni mennang sibawa puranaro mennang pappakéiwi pakéyang iya mabarué sibawa rijagai ri malaéka'na PUWANGNGE.
3:6 Nainappa iyaro malaéka'na napalettu adanna PUWANGNGE lao ri Yosua,
3:7 "Rékko mupatoiwi hukkung-hukkuk-Ku nenniya pogau'i jama-jamang iya uwéréngngékko, untu' matteru weddikko mancaji pamimping ri laleng Bola-Ku sibawa murusu'i seddéna. Uwéngkalingai matu sining sempajammu, pada-pada uwéngkalingai sempajanna sining malaéka iya engkaé ri seddé-Ku.
3:8 Engkalingai éh Imang Lompo Yosua, makkuwatoro iko imang-ngimang iya mancajiyé sellao-sellaona, iko maneng iyanaritu lambanna wettu mangolo iya makessingngé. Iyaro wettué Usuroi matu atak-Ku iya riyasengngé 'Cura''.
3:9 Upalénne'i matu ri yolona Yosua séddi batu massulapa pitu iya Usobbi'é matu sibawa oki-oki. Ri laleng si essoé Uwabbéyangngi matu dosaé polé ri wanuwaéwé.
3:10 Rékko narapini iyaro essoé, tungke tau naobbii matu balibolana untu' polé sibawa péneddingiwi adaméngengngé nenniya asaléwangengngé ri tengnga-tengngana palla-palla anggoro'mu sibawa ajukajung aramu."
Comments
Post a Comment