Yésaya 52
52:1 Tokkonno, éh Yérusalém, tokkonno! Pakkasse'i atimmu! Pasangngi pakéyang arajammu! Eh Yérusalém, kota iya mapaccingngé, tau najisi'é dé'na nauttama lalo ri gerbammu.
52:2 Tokkonno polé ri awué, éh Yérusalém, akkeppikengngi awu iya maddeppéé ri alému. Leppessangngi ranté iya siyoéngngi ellommu, éh pabbanuwana Sion iya ritawangngé!
52:3 Makkedai PUWANGNGE lao ri umma'-Na, "Ribalu'ko sibawa paracuma, jaji makkekkuwangngé ripaleppe'ko sibawa paracumato.
52:4 Riyolo laoko ri Maséré sibawa monro kuwaro selaku tau laing. Nainappa Asyur para'ko temmakkéalasang.
52:5 Makkekkuwangngé aga urusak-Ku kuwaé? Natawakko tau Babél-é sibawa makkuwaro bawang. Mennang iya tenre'ékko matempoi sibawa matteru-teru pakatuna-Ka.
52:6 Rimakkuwannanaro muwangakuiwi matu makkedaé Iyya Allataala, na ri wettuéro muwissengngi matu makkedaé iyya ritu mabbicara lao ri iko."
52:7 Temmaka sennanna mitai apolénna suroé; joppai malléttoiwi bulué sibawa tiwi karéba madécéng, karéba asaléwangeng, biritta asalamakeng untu' Sion; adanna, "Allataalamu Arung!"
52:8 Engkalingai kelli marennunna pengawalna kotaé, gora-gorai mennang massibawa! Nasaba nasibawang mata ulunna mennang mitai PUWANGNGE lisu ri Sion.
52:9 Gora-gorano éh sésa-sésana Yérusalém, saba' PUWANGNGE saléworiwi umma'-Na sibawa paleppe'i Yérusalém.
52:10 Nappaitangngi akuwasanna PUWANGNGE ri yolona matanna sininna bangsaé. Nanasabbingngi sininna linoé asalamakeng polé ri Allataalata.
52:11 Laono! Salaiwi kota Babél, éh iko iya tiwiéngngi pakkakkassa bolana Allataala! Aja' mugéssai barang iya najisi'é; *barang iya najisi'é: Barang iya riyangga'é dé' namapaccing manuru peraturanna agamaé.* pépaccingiwi alému ri wettu dé'napa mujoppa.
52:12 Dé' mumapperi-peri matu lao, sibawa dé' napada-pada tau iya lariyé. Saba' PUWANGNGE pimpikko matu; Allataalana Israélié linrungiko polé ri sininna sulapa'é.
52:13 Makkedai PUWANGNGE, "Sitongenna, mallolongengngi matu atak-Ku; ripojiwi matu sibawa ripakatanré. *ripojiwi matu sibawa ripakatanré, iyaré'ga: ripojiwi matu sibawa ripakatanréi paimeng.*
52:14 Riyolo maéga tau tasséleng mitai, risolangiwi rupanna angkanna dé'na napada-pada tolinoé.
52:15 Iyakiya makkekkuwangngé maéga bangsa naébbu hérang, mammekkoi sining arungngé nasaba bengngai. Naitai matu sibawa najeppuiwi, iya riyolonaé dé' mennang naissengngi."
52:2 Tokkonno polé ri awué, éh Yérusalém, akkeppikengngi awu iya maddeppéé ri alému. Leppessangngi ranté iya siyoéngngi ellommu, éh pabbanuwana Sion iya ritawangngé!
52:3 Makkedai PUWANGNGE lao ri umma'-Na, "Ribalu'ko sibawa paracuma, jaji makkekkuwangngé ripaleppe'ko sibawa paracumato.
52:4 Riyolo laoko ri Maséré sibawa monro kuwaro selaku tau laing. Nainappa Asyur para'ko temmakkéalasang.
52:5 Makkekkuwangngé aga urusak-Ku kuwaé? Natawakko tau Babél-é sibawa makkuwaro bawang. Mennang iya tenre'ékko matempoi sibawa matteru-teru pakatuna-Ka.
52:6 Rimakkuwannanaro muwangakuiwi matu makkedaé Iyya Allataala, na ri wettuéro muwissengngi matu makkedaé iyya ritu mabbicara lao ri iko."
52:7 Temmaka sennanna mitai apolénna suroé; joppai malléttoiwi bulué sibawa tiwi karéba madécéng, karéba asaléwangeng, biritta asalamakeng untu' Sion; adanna, "Allataalamu Arung!"
52:8 Engkalingai kelli marennunna pengawalna kotaé, gora-gorai mennang massibawa! Nasaba nasibawang mata ulunna mennang mitai PUWANGNGE lisu ri Sion.
52:9 Gora-gorano éh sésa-sésana Yérusalém, saba' PUWANGNGE saléworiwi umma'-Na sibawa paleppe'i Yérusalém.
52:10 Nappaitangngi akuwasanna PUWANGNGE ri yolona matanna sininna bangsaé. Nanasabbingngi sininna linoé asalamakeng polé ri Allataalata.
52:11 Laono! Salaiwi kota Babél, éh iko iya tiwiéngngi pakkakkassa bolana Allataala! Aja' mugéssai barang iya najisi'é; *barang iya najisi'é: Barang iya riyangga'é dé' namapaccing manuru peraturanna agamaé.* pépaccingiwi alému ri wettu dé'napa mujoppa.
52:12 Dé' mumapperi-peri matu lao, sibawa dé' napada-pada tau iya lariyé. Saba' PUWANGNGE pimpikko matu; Allataalana Israélié linrungiko polé ri sininna sulapa'é.
52:13 Makkedai PUWANGNGE, "Sitongenna, mallolongengngi matu atak-Ku; ripojiwi matu sibawa ripakatanré. *ripojiwi matu sibawa ripakatanré, iyaré'ga: ripojiwi matu sibawa ripakatanréi paimeng.*
52:14 Riyolo maéga tau tasséleng mitai, risolangiwi rupanna angkanna dé'na napada-pada tolinoé.
52:15 Iyakiya makkekkuwangngé maéga bangsa naébbu hérang, mammekkoi sining arungngé nasaba bengngai. Naitai matu sibawa najeppuiwi, iya riyolonaé dé' mennang naissengngi."
Comments
Post a Comment