Yésaya 27
27:1 Ri wettuéro napakéi matu PUWANGNGE peddan-Na iya masse'é sibawa matareng untu' hukkungngi Léwiatan, *Léwiatan: Olokolo mappakatau-tau iya ricuritaé ri laleng pau-pau rikadongngé sibawa pulambangngi bangsa-bangsa iya tenre'éngngi Israélié.* ula iya kolli-kolli'é sibawa mabbampaluéro, sibawa untu' mpunoi naga tasi'é.
27:2 Ri wettuéro makkedai matu PUWANGNGE, "Akkélonno passalenna palla anggoro'-Ku iya magelloé.
27:3 Iyya, PUWANG, panganrowanna; tungke wettu Ubolo, esso wenni Uwanrowang, kuwammengngi aja' naengka ganggui.
27:4 Dé'na Umarasa macaina. Ebara'na engka wella iyaré'ga alekale maddori, maélo-Ka paccappui, sibawa tunu manengngi.
27:5 Iyakiya rékko sining balinna umma'-Ku sappai allinrungeng ri iyya, leppessangngi mennang sidamé sibawa Iyya, ya, sidamé sibawa Iyya."
27:6 Ri wettu iya mangoloé, pada-padai matu bangsa Israélié aju iya makkure'é sibawa mabbija, enrengngé pennoiwi tompo'na linoé sibawa buwa-buwana.
27:7 PUWANGNGE hukkungngi umma'-Na dé' nasittane Nahukkungngi bangsa-bangsa iya musuéngngi mennang. Dé' naunoi umma'-Na pada-pada naunoi balin-Na.
27:8 Nahukkungngi PUWANGNGE umma'-Na sibawa palii mennang lao ri wanuwa laingngé. Narukkai mennang sibawa anging maja polé alaué. *Ri laleng basa Ibrani iyaé aya'é dé' namanessa bettuwanna.*
27:9 Iyakiya dosa-dosana Israélié banna weddingngi riyaddampengeng rékko rilélui gangka alusu mézba déwata-déwataé pada-pada puwalé. Sininna addupa-dupangngé sibawa lambanna Déwi Asyéra harusu towi riancuru.
27:10 Iyaro kota mabbénténgngé mancaji masino-sinoni sibawa risalai pada-pada padang makkale-ale iya lobbangngé. Olokolo makkonrongngé mabbellai sibawa mappésau kuwaro nanapaccappu towi daud-daung polé ri takké-takké ajué.
27:11 Rékko marakkoni takké-takkéna sibawa mapolo, poléni sining makkunraié sibawa pancajiwi aju tunung. Iyaro bangsaé dé' najeppuiwi aga-aga, na Allataala Pappancajiyé dé' matu naéloriwi iyaré'ga mamaséiwi mennang.
27:12 Ri wettuéro napadeppungengngi matu PUWANGNGE bangsa-Na tasséddi-séddi polé ri Salo Efrat lettu ri pakkasésénna Maséré. Napallaingngi matu mennang pada-pada tau pallaingngéngngi gandongngé polé ri awanna.
27:13 Ri wettuéro ripaoniwi matu tarompé battowaé untu' mobbii lisu sininna tau Israélié iya ripalié ri Asyur sibawa ri Maséré. Laowi matu mennang ri Yérusalém untu' sompai PUWANGNGE ri bulu-bulu-Na iya mapaccingngé.
27:2 Ri wettuéro makkedai matu PUWANGNGE, "Akkélonno passalenna palla anggoro'-Ku iya magelloé.
27:3 Iyya, PUWANG, panganrowanna; tungke wettu Ubolo, esso wenni Uwanrowang, kuwammengngi aja' naengka ganggui.
27:4 Dé'na Umarasa macaina. Ebara'na engka wella iyaré'ga alekale maddori, maélo-Ka paccappui, sibawa tunu manengngi.
27:5 Iyakiya rékko sining balinna umma'-Ku sappai allinrungeng ri iyya, leppessangngi mennang sidamé sibawa Iyya, ya, sidamé sibawa Iyya."
27:6 Ri wettu iya mangoloé, pada-padai matu bangsa Israélié aju iya makkure'é sibawa mabbija, enrengngé pennoiwi tompo'na linoé sibawa buwa-buwana.
27:7 PUWANGNGE hukkungngi umma'-Na dé' nasittane Nahukkungngi bangsa-bangsa iya musuéngngi mennang. Dé' naunoi umma'-Na pada-pada naunoi balin-Na.
27:8 Nahukkungngi PUWANGNGE umma'-Na sibawa palii mennang lao ri wanuwa laingngé. Narukkai mennang sibawa anging maja polé alaué. *Ri laleng basa Ibrani iyaé aya'é dé' namanessa bettuwanna.*
27:9 Iyakiya dosa-dosana Israélié banna weddingngi riyaddampengeng rékko rilélui gangka alusu mézba déwata-déwataé pada-pada puwalé. Sininna addupa-dupangngé sibawa lambanna Déwi Asyéra harusu towi riancuru.
27:10 Iyaro kota mabbénténgngé mancaji masino-sinoni sibawa risalai pada-pada padang makkale-ale iya lobbangngé. Olokolo makkonrongngé mabbellai sibawa mappésau kuwaro nanapaccappu towi daud-daung polé ri takké-takké ajué.
27:11 Rékko marakkoni takké-takkéna sibawa mapolo, poléni sining makkunraié sibawa pancajiwi aju tunung. Iyaro bangsaé dé' najeppuiwi aga-aga, na Allataala Pappancajiyé dé' matu naéloriwi iyaré'ga mamaséiwi mennang.
27:12 Ri wettuéro napadeppungengngi matu PUWANGNGE bangsa-Na tasséddi-séddi polé ri Salo Efrat lettu ri pakkasésénna Maséré. Napallaingngi matu mennang pada-pada tau pallaingngéngngi gandongngé polé ri awanna.
27:13 Ri wettuéro ripaoniwi matu tarompé battowaé untu' mobbii lisu sininna tau Israélié iya ripalié ri Asyur sibawa ri Maséré. Laowi matu mennang ri Yérusalém untu' sompai PUWANGNGE ri bulu-bulu-Na iya mapaccingngé.
Comments
Post a Comment