Yésaya 15
15:1 Iyaé pasenna PUWANGNGE passalenna Moab. Kota Ar sibawa Kir ripaccappui ri laleng siwenni, sibawa masino-sinoni wanuwa Moab.
15:2 Natuppuini bulu-bulué pabbanuwana Dibon *Naullé bettuwanna: pabbanuwana Dibon; manuru basa Ibrani: pabbanuwaé sibawa Dibon.* untu' teri ri onrong assompang déwata-déwataé. Nasibawang amesséng nawatingini pabbanuwana Moab kota Nébo sibawa Médéba. Nacukkuru'ni mennang ulunna sibawa janggo'na selaku tanrang masara.
15:3 Sining tauwé ri lalengngé mappaké kaing karungngi tanrang mabbarata; mpatingngi tauwé sibawa teri ri tana lapangngé sibawa ri pabbingeng bolaé. *pabbingeng bolaé: iyanaritu pabbingeng bola iya malappaé polé ri témbo'é iyaré'ga batué pada-pada bolaé ri tana Arab.*
15:4 Tau Hésybongngé sibawa Eléalé mowang-mowanni, sibawa saddanna mennang riyéngkalinga lettu ri Yahas. Mala ténré sining prajuri'é; ateddéngenni mennang abaraningeng.
15:5 Messéka lao ri Moab! Mangunsini pabbanuwana lao ri kota Zoar sibawa lao ri Eglat-Selisia. Engka iya tuppuiyéngngi lalengngé lao ri Luhit naterito; engka lari lao ri Horonaim nakelli-kelli'to nasaba nakennai abala.
15:6 Marakkoni uwaina Salo Nimrim sibawa wella iya tuwoé ri wirinna, dé' gagana tanet-taneng iya manyilaé.
15:7 Nalléttoini sining tauwé ana' salo Haarabim sibawa makkuraga passalama'i sininna waramparanna mennang.
15:8 Kégi-kégi ri pakkasésénna Moab riyéngkalingai kelli'é. Iyaro watingngé riyéngkalingai ri Eglaim sibawa Beer-Elim.
15:9 Ri Dibon macella uwaina saloé nasaba sicampuru'i sibawa dara. Napapoléi matu Allataala gau'-gau' iya lebbi maseroéppa ri yasé'na sining tauwé kuwaro. Pabbuno iya nakiringngé naunoi matu sininna tau Moab iya tuwoé mupa.
15:2 Natuppuini bulu-bulué pabbanuwana Dibon *Naullé bettuwanna: pabbanuwana Dibon; manuru basa Ibrani: pabbanuwaé sibawa Dibon.* untu' teri ri onrong assompang déwata-déwataé. Nasibawang amesséng nawatingini pabbanuwana Moab kota Nébo sibawa Médéba. Nacukkuru'ni mennang ulunna sibawa janggo'na selaku tanrang masara.
15:3 Sining tauwé ri lalengngé mappaké kaing karungngi tanrang mabbarata; mpatingngi tauwé sibawa teri ri tana lapangngé sibawa ri pabbingeng bolaé. *pabbingeng bolaé: iyanaritu pabbingeng bola iya malappaé polé ri témbo'é iyaré'ga batué pada-pada bolaé ri tana Arab.*
15:4 Tau Hésybongngé sibawa Eléalé mowang-mowanni, sibawa saddanna mennang riyéngkalinga lettu ri Yahas. Mala ténré sining prajuri'é; ateddéngenni mennang abaraningeng.
15:5 Messéka lao ri Moab! Mangunsini pabbanuwana lao ri kota Zoar sibawa lao ri Eglat-Selisia. Engka iya tuppuiyéngngi lalengngé lao ri Luhit naterito; engka lari lao ri Horonaim nakelli-kelli'to nasaba nakennai abala.
15:6 Marakkoni uwaina Salo Nimrim sibawa wella iya tuwoé ri wirinna, dé' gagana tanet-taneng iya manyilaé.
15:7 Nalléttoini sining tauwé ana' salo Haarabim sibawa makkuraga passalama'i sininna waramparanna mennang.
15:8 Kégi-kégi ri pakkasésénna Moab riyéngkalingai kelli'é. Iyaro watingngé riyéngkalingai ri Eglaim sibawa Beer-Elim.
15:9 Ri Dibon macella uwaina saloé nasaba sicampuru'i sibawa dara. Napapoléi matu Allataala gau'-gau' iya lebbi maseroéppa ri yasé'na sining tauwé kuwaro. Pabbuno iya nakiringngé naunoi matu sininna tau Moab iya tuwoé mupa.
Comments
Post a Comment