Yérémia 25
25:1 Ri taung maeppaé mancaji arunnana Yoyakim ana' worowanéna Yosia ri Yéhuda, lolongenna paseng polé ri PUWANGNGE passalenna sininna bangsa Yéhudaé. Iyaro wettué taung mammulangngé mancaji arunna Nébukadnézar ri Babél.
25:2 Makkedaka lao risininna bangsa Yéhudaé sibawa pabbanuwana Yérusalém,
25:3 "Duwappulo tellu taung ittana, mappammulai ri taung maseppuloé tellu apparéntanna Yosia ana' worowanéna Amon ri Yéhuda, lettu essoéwé purani mabbicara PUWANGNGE lao ri iyya na dé' naengka uwallupaiwi palettu'i ri iko aga iya puraé Napowada. Iyakiya dé' mupaduliwi.
25:4 Matteru-teru towi PUWANGNGE suroi lao ri iko sining nabié ata-atan-Na, iyakiya dé' mumaélo méngkalingai sibawa jampangiwi mennang.
25:5 Nasuroko salaiwi cara atuwommu iya majaé, sibawa sining pangkaukemmu iya madosaé, kuwammengngi naweddikko tette monro ri wanuwaéwé iya puraé nabbéréyang PUWANGNGE lao ri iko sibawa lao ri toriyolomu selaku appunangeng mana.
25:6 Iyaro nabi-nabié nattéyakko massompa sibawa mattumani lao ri déwata-déwata laingngé. Nattéyakko mennang massompa barahala-barahala ébbumu muto, saba' iyaro gau'é naébbui PUWANGNGE macai. Rékko muturusiwi paréntana PUWANG-ngéro, dé' nahukkukko.
25:7 Iyakiya aléna PUWANGNGE makkeda makkedaé dé' muwéngkalingai Aléna. Mala mupaénré'i cai-Na nasaba barahala-barahalamuro. Alému ritu papoléi pahukkungenna ri yasé'na alému.
25:8 Nasaba dé' mumaélo méngkalingai ada-adan-Na, namakkeda PUWANG Iya Pommakuwasaé,
25:9 'Maélo-Ka mobbii sininna bangsaé polé ri manorang, sibawato atak-Ku, Nébukadnézar arung Babél. Upangarai matu mennang untu' mammusu méwai Yéhuda sibawa pabbanuwana enrengngé sininna bangsaé ri seddéna. Bangsa Yéhudaé sibawa bangsa-bangsaé ri seddéna Upabbinasai matu sibawa Uleppessang ancuru untu' mannennungeng. Sining tau iya mitaéngngi tassélengngi matu sibawa métau. Iyya, PUWANG, pura mabbicara.
25:10 Saddanna mennang iya marennué sibawa rowana pésta abottingengngé Upappésauwi matu. Dé' nappunnai matu mennang minnya untu' lampunna, sibawa cappui matu gandonna mennang.
25:11 Uleppessangngi matu ancuru sininna wanuwaéwé sibawa mancaji masino-sino. Bangsa-bangsaé ri seddéna mattumaniwi matu lao ri arung Babél pituppulo taung ittana.
25:12 Purairo Uhukkungngi matu bangsa Babél-é sibawa arunna nasaba dosana mennang. Uruttungngi matu wanuwa Babél sibawa Uleppessang ancuru untu' mannennungeng.
25:13 Uhukkungngi matu Babél sibawa sininna abala iya puraé Urancana untu' bangsa-bangsaé sibawa iya puraé Uwappaissengeng naolai Yérémia -- iyanaritu sininna abala iya riyokié ri laleng kitta'éwé.
25:14 Uwale'i matu sining pangkaukenna tau Babél-é; ripowatai matu ri arung-ngarung battowaé sibawa ri maéga bangsa.' "
25:15 PUWANG, Allataalana Israélié, makkeda lao ri Iyya, "Alai iyaé kaca anggoro'é iya puraé Uliseki sibawa anggoro cai-Ku. Tiwii lao ri sininna bangsaé kégiko Usuro, sibawa suroi mennang ménungngi iyaé anggoro'é.
25:16 Narékko naénungngi mennang, tassulus-sulungngi sibawa ateddéngeng akkaleng nasaba musu iya Upapolé ri mennang."
25:17 Nautarimani iyaro kaca anggoro'é polé ri limanna PUWANGNGE, naulao ri sininna bangsaé kégi puraka nasuro PUWANGNGE, nainappa uwébbu mennang ménungngi iyaro anggoro'é.
25:18 Yérusalém sibawa sininna kotaé ri Yéhuda, silaong sining arungngé nenniya pajaba-pajaba'na, uwérénni naénungngi iyaro anggoro'é, angkanna mancajini mennang pada-pada padang iya makabuttué sibawa mappakatau-taué. Lettu essoéwé ripakéi asenna mennang selaku tanro.
25:19-26 Iyanaé daftar asenna sining tau laing iya harusu'é ménung polé ri kaca anggoro'na PUWANG-ngéro: arung Maséré sibawa sining pegawénna nenniya pajaba-pajaba'na; sininna tau Maséré'é sibawa tau laingngé ri Maséré; sininna arungngé ri wanuwa Us; sininna arunna kota-kota Filistingngé ri Askélon, Gaza, Ekron; sininna tau iya tuwoé mupa ri Asdod; sininna tau Edongngé, Moab-é, sibawa Amongngé; sininna arungngé ri Tirus sibawa Sidon; sininna arungngé ri daéra wiring Tasi Tengngaé; kota-kota Dédan, Téma, sibawa Bus; sininna tau iya lébong ponco'éngngi gemme'na; sininna arung Arab-é; sininna arunna suku-suku campurang iya monroé ri padang kessi'é; sininna arungngé ri Zimri, Elam, sibawa Madai; sininna arungngé ri manorang, mabéla sibawa macawé, tasséddi-séddi tau. Sininna bangsaé risininna linoé harusu'i naénung iyaro anggoro'é. Na tau paccappurengngé iya harusu'é ménungngi iyaro anggoro'é iyanaritu arung Babél.
25:27 Namakkeda PUWANGNGE lao ri iyya, "Powadangngi sining tauwéro makkedaé Iyya, PUWANG Iya Pommakuwasaé, Allataalana Israélié, suroi mennang ménungngi gangka mabo' sibawa talluwa-luwa. Uwébbui mennang menrung sibawa dé' naulléi tokkonna nasaba musu iya Upapoléngengngéngngi mennang.
25:28 Narékko dé' namaélo mennang tarimai iyaro kacaé polé ri limammu untu' ménungngi anggoro'na, powadai makkedaé PUWANG Iya Pommakuwasaé pura mapparéntangngi gau'éro.
25:29 Maélo-Ka pammulaiwi angancurukengngéro ri kota-Ku muto. Aja' narapii mennang nasengngi makkedaé dé' narihukkung matu mennang. Pasti rihukkungngi matu nasaba Upapoléngengngi matu musu sininna bangsaé ri sininna linoé. Iyya, PUWANG Iya Pommakuwasaé, pura mabbicara.
25:30 Sininna iya Upowadangngékko, éh Yérémia, harusu'i mupalettu. Powadangngi mennang, 'Maggalenrungngi saddanna PUWANGNGE polé ri surugaé; polé ri onron-Na iya mapaccingngé memmu'i méwai umma'-Na. Sininna pabbanuwana linoé méngkalingai kelli pada-pada pajjama iya mappara anggoro'é ri onrong addésekengngé.
25:31 Lettu ri cappa linoé maddaremmeng saddan-Na; PUWANGNGE mébbu parakara lao ri bangsa-bangsaé. Riadélékiwi matu sininna tauwé sibawa iya majaé rihukkung matéi matu.' "
25:32 Makkedai PUWANG Iya Pommakuwasaé, "Polé ri cappa'na linoé memmu'i anginrajaé; nakennai abala bangsa-bangsaé tasséddi-séddi."
25:33 Iyaro essoé ujuna sining tau iya riyunoé ri PUWANGNGE makkalénnerengngi matu ri sininna linoé. Dé' nariteringi matu mennang, dé'to nariyakka untu' rikuburu, sangadinna rileppessang bawang ri tanaé pada-pada goppo roppo'é.
25:34 Eh sining pamimping, éh sining pakkampina umma'na PUWANGNGE! Terino maladde-ladde! Aggaléluno ri laleng awué, saba' narapini wettunna riyunoko, na iya leppe'é ripassara-sarangngi matu. Pada-padako matu kullang mangke'é iya sempé'é nareppa. *Pada-padako ... nareppa: Manuru séddi bettuwang mariyoloé: Rebbako matu pada-pada bimbala lai ripilé iya rigéréé.*
25:35 Pasti dé' muleppe matu.
25:36-37 Maddarékéko matu nenniya teri sibawa messé nasaba PUWANGNGE ri laleng cai-Na pura paccappui bangsamu enrengngé mancuru'i wanuwammu iya amangngéro.
25:38 Pada-pada singa massué polé ri liyanna, makkuwatoniro PUWANGNGE massu untu' hukkungngi umma'-Na. Abeccokenna musué sibawa caina PUWANGNGE pura pinrai wanuwaéwé mancaji padang kessi.
25:2 Makkedaka lao risininna bangsa Yéhudaé sibawa pabbanuwana Yérusalém,
25:3 "Duwappulo tellu taung ittana, mappammulai ri taung maseppuloé tellu apparéntanna Yosia ana' worowanéna Amon ri Yéhuda, lettu essoéwé purani mabbicara PUWANGNGE lao ri iyya na dé' naengka uwallupaiwi palettu'i ri iko aga iya puraé Napowada. Iyakiya dé' mupaduliwi.
25:4 Matteru-teru towi PUWANGNGE suroi lao ri iko sining nabié ata-atan-Na, iyakiya dé' mumaélo méngkalingai sibawa jampangiwi mennang.
25:5 Nasuroko salaiwi cara atuwommu iya majaé, sibawa sining pangkaukemmu iya madosaé, kuwammengngi naweddikko tette monro ri wanuwaéwé iya puraé nabbéréyang PUWANGNGE lao ri iko sibawa lao ri toriyolomu selaku appunangeng mana.
25:6 Iyaro nabi-nabié nattéyakko massompa sibawa mattumani lao ri déwata-déwata laingngé. Nattéyakko mennang massompa barahala-barahala ébbumu muto, saba' iyaro gau'é naébbui PUWANGNGE macai. Rékko muturusiwi paréntana PUWANG-ngéro, dé' nahukkukko.
25:7 Iyakiya aléna PUWANGNGE makkeda makkedaé dé' muwéngkalingai Aléna. Mala mupaénré'i cai-Na nasaba barahala-barahalamuro. Alému ritu papoléi pahukkungenna ri yasé'na alému.
25:8 Nasaba dé' mumaélo méngkalingai ada-adan-Na, namakkeda PUWANG Iya Pommakuwasaé,
25:9 'Maélo-Ka mobbii sininna bangsaé polé ri manorang, sibawato atak-Ku, Nébukadnézar arung Babél. Upangarai matu mennang untu' mammusu méwai Yéhuda sibawa pabbanuwana enrengngé sininna bangsaé ri seddéna. Bangsa Yéhudaé sibawa bangsa-bangsaé ri seddéna Upabbinasai matu sibawa Uleppessang ancuru untu' mannennungeng. Sining tau iya mitaéngngi tassélengngi matu sibawa métau. Iyya, PUWANG, pura mabbicara.
25:10 Saddanna mennang iya marennué sibawa rowana pésta abottingengngé Upappésauwi matu. Dé' nappunnai matu mennang minnya untu' lampunna, sibawa cappui matu gandonna mennang.
25:11 Uleppessangngi matu ancuru sininna wanuwaéwé sibawa mancaji masino-sino. Bangsa-bangsaé ri seddéna mattumaniwi matu lao ri arung Babél pituppulo taung ittana.
25:12 Purairo Uhukkungngi matu bangsa Babél-é sibawa arunna nasaba dosana mennang. Uruttungngi matu wanuwa Babél sibawa Uleppessang ancuru untu' mannennungeng.
25:13 Uhukkungngi matu Babél sibawa sininna abala iya puraé Urancana untu' bangsa-bangsaé sibawa iya puraé Uwappaissengeng naolai Yérémia -- iyanaritu sininna abala iya riyokié ri laleng kitta'éwé.
25:14 Uwale'i matu sining pangkaukenna tau Babél-é; ripowatai matu ri arung-ngarung battowaé sibawa ri maéga bangsa.' "
25:15 PUWANG, Allataalana Israélié, makkeda lao ri Iyya, "Alai iyaé kaca anggoro'é iya puraé Uliseki sibawa anggoro cai-Ku. Tiwii lao ri sininna bangsaé kégiko Usuro, sibawa suroi mennang ménungngi iyaé anggoro'é.
25:16 Narékko naénungngi mennang, tassulus-sulungngi sibawa ateddéngeng akkaleng nasaba musu iya Upapolé ri mennang."
25:17 Nautarimani iyaro kaca anggoro'é polé ri limanna PUWANGNGE, naulao ri sininna bangsaé kégi puraka nasuro PUWANGNGE, nainappa uwébbu mennang ménungngi iyaro anggoro'é.
25:18 Yérusalém sibawa sininna kotaé ri Yéhuda, silaong sining arungngé nenniya pajaba-pajaba'na, uwérénni naénungngi iyaro anggoro'é, angkanna mancajini mennang pada-pada padang iya makabuttué sibawa mappakatau-taué. Lettu essoéwé ripakéi asenna mennang selaku tanro.
25:19-26 Iyanaé daftar asenna sining tau laing iya harusu'é ménung polé ri kaca anggoro'na PUWANG-ngéro: arung Maséré sibawa sining pegawénna nenniya pajaba-pajaba'na; sininna tau Maséré'é sibawa tau laingngé ri Maséré; sininna arungngé ri wanuwa Us; sininna arunna kota-kota Filistingngé ri Askélon, Gaza, Ekron; sininna tau iya tuwoé mupa ri Asdod; sininna tau Edongngé, Moab-é, sibawa Amongngé; sininna arungngé ri Tirus sibawa Sidon; sininna arungngé ri daéra wiring Tasi Tengngaé; kota-kota Dédan, Téma, sibawa Bus; sininna tau iya lébong ponco'éngngi gemme'na; sininna arung Arab-é; sininna arunna suku-suku campurang iya monroé ri padang kessi'é; sininna arungngé ri Zimri, Elam, sibawa Madai; sininna arungngé ri manorang, mabéla sibawa macawé, tasséddi-séddi tau. Sininna bangsaé risininna linoé harusu'i naénung iyaro anggoro'é. Na tau paccappurengngé iya harusu'é ménungngi iyaro anggoro'é iyanaritu arung Babél.
25:27 Namakkeda PUWANGNGE lao ri iyya, "Powadangngi sining tauwéro makkedaé Iyya, PUWANG Iya Pommakuwasaé, Allataalana Israélié, suroi mennang ménungngi gangka mabo' sibawa talluwa-luwa. Uwébbui mennang menrung sibawa dé' naulléi tokkonna nasaba musu iya Upapoléngengngéngngi mennang.
25:28 Narékko dé' namaélo mennang tarimai iyaro kacaé polé ri limammu untu' ménungngi anggoro'na, powadai makkedaé PUWANG Iya Pommakuwasaé pura mapparéntangngi gau'éro.
25:29 Maélo-Ka pammulaiwi angancurukengngéro ri kota-Ku muto. Aja' narapii mennang nasengngi makkedaé dé' narihukkung matu mennang. Pasti rihukkungngi matu nasaba Upapoléngengngi matu musu sininna bangsaé ri sininna linoé. Iyya, PUWANG Iya Pommakuwasaé, pura mabbicara.
25:30 Sininna iya Upowadangngékko, éh Yérémia, harusu'i mupalettu. Powadangngi mennang, 'Maggalenrungngi saddanna PUWANGNGE polé ri surugaé; polé ri onron-Na iya mapaccingngé memmu'i méwai umma'-Na. Sininna pabbanuwana linoé méngkalingai kelli pada-pada pajjama iya mappara anggoro'é ri onrong addésekengngé.
25:31 Lettu ri cappa linoé maddaremmeng saddan-Na; PUWANGNGE mébbu parakara lao ri bangsa-bangsaé. Riadélékiwi matu sininna tauwé sibawa iya majaé rihukkung matéi matu.' "
25:32 Makkedai PUWANG Iya Pommakuwasaé, "Polé ri cappa'na linoé memmu'i anginrajaé; nakennai abala bangsa-bangsaé tasséddi-séddi."
25:33 Iyaro essoé ujuna sining tau iya riyunoé ri PUWANGNGE makkalénnerengngi matu ri sininna linoé. Dé' nariteringi matu mennang, dé'to nariyakka untu' rikuburu, sangadinna rileppessang bawang ri tanaé pada-pada goppo roppo'é.
25:34 Eh sining pamimping, éh sining pakkampina umma'na PUWANGNGE! Terino maladde-ladde! Aggaléluno ri laleng awué, saba' narapini wettunna riyunoko, na iya leppe'é ripassara-sarangngi matu. Pada-padako matu kullang mangke'é iya sempé'é nareppa. *Pada-padako ... nareppa: Manuru séddi bettuwang mariyoloé: Rebbako matu pada-pada bimbala lai ripilé iya rigéréé.*
25:35 Pasti dé' muleppe matu.
25:36-37 Maddarékéko matu nenniya teri sibawa messé nasaba PUWANGNGE ri laleng cai-Na pura paccappui bangsamu enrengngé mancuru'i wanuwammu iya amangngéro.
25:38 Pada-pada singa massué polé ri liyanna, makkuwatoniro PUWANGNGE massu untu' hukkungngi umma'-Na. Abeccokenna musué sibawa caina PUWANGNGE pura pinrai wanuwaéwé mancaji padang kessi.
Comments
Post a Comment