Yéhézkiél 41
41:1 Iyaro worowané natiwika ri laleng bili' tengngaé, iya riyasengngé Onrong Iya Mapaccingngé. Naukkuru'ni lorong iya mattujué kuwaro: lampéna tellu météré, *lampéna tellu météré: Basa Ibrani mappunnaiwi duwa ada pattamba iya dé'é namanessa bettuwanna.*
41:2 na sakkana lima météré. Renringngé ri iya duwa benrénna umpe'na duwa sitengnga météré. Nainappa naukkuru Onrong Iya Mapaccingngéro: lampéna 20 météré sibawa sakkana seppulo météré.
41:3 Nainappa nauttamaki bili' lalengngé. Naukkuru'ni lorong iya matujué lao kuwaro: lampéna séddi météré, sakkana tellu météré, na renrinna ri iya duwa benrénna umpe'na tellu sitengnga météré. *Séddi bettuwang mariyoloé: na renrinna ri iya duwa benrénna umpe'na tellu sitengnga météré. Ibrani: sibawa umpu'na tellu sitengnga météré.*
41:4 Nainappa naukkuru'to bili'éro: bentu'na massulapa eppa, lampéna sibawa sakkana tungke-tungke seppulo météré. Nainappa makkeda lao ri iyya, "Iyanaé Onrong Iya Pommapaccingngé."
41:5 Purairo naukkuru'ni iyaro worowané témbo lalengngé polé ri Bolana PUWANGNGE: umpe'na tellu météré. Ri témbo mattulilinna Bolana PUWANG-ngéro engka bili'-bili' iya sakkanaé duwa météré.
41:6 Iyaro bili'-bili'é mallangga tellu na ri tungke langga engka 30 bili'. Témbo saliwenna tungke langga lebbi manipii naiya témbo langga ri yawana, angkanna iyaro bili'-bili'é weddingngi risusung tessebbo'i témbo Bolana PUWANG-ngéro.
41:7 Polé ri saliweng, iyaro témbo Bolana PUWANGNGE paitai pada umpe'na polé ri yawa lettu ri yasé. Ri témbo saliwengngé polé ri Bolana PUWANGNGE, ri seddé saliwenna bili'-bili'éro, engka duwa addénéng loppo angkanna weddingngi tauwé ménré polé ri langga ri yawaé ménré ri langga duwaé sibawa tellué.
41:8-11 Témbo saliwenna bili'-bili'éro umpe'na duwa sitengnga météré. Iyaro bangunangngé mappunnai duwa sumpang iya mattujué ri bili'-bili' ri seddé manoranna Bolana PUWANGNGE, sibawa sumpang laingngé iya mattujué lao ri bili'-bili' ri seddé yattang. Ri mattulilinna Bolana PUWANGNGE engka paturungeng iya sakkanaé duwa sitengnga météré; onronna tellu météré polé ri tanaé, sibawa riyébbui pada tanréna sibawa pandaménna bili'-bili' ri Bolana PUWANGNGE. Ri pallawangenna paturungengngé sibawa sining bola napaké sining imangngé, engka légo-légo iya sakkanaé seppulo météré, ri abéyo ataunna Bolana PUWANGNGE.
41:12 Ri liwenna seddéna tibang yajang, engka bola loppo iya lampénaé 45 météré sibawa sakkana telluppulo lima météré, na umpe'na sining renrinna duwa sitengnga météré.
41:13 Iyaro worowané naukkuru'ni lampéna Bolana PUWANGNGE: limappulo météré. Polé ri monri Bolana PUWANGNGE lettu ri témbo monrinna bola loppoé ri seddé yajanro pallawangenna limappulo météré.
41:14 Bagiyang yolona polé ri Bolana PUWANGNGE iya mangoloé ri alau sibawa séddéna ri abéyo ataunna, sakkana limappulo météré.
41:15 Iyaro worowané naukkuru towi bola loppo iya mangoloé ri seddéna ri tibang yajang: sakkana limappulo météré, muttama'ni sining renrinna ri abéyo ataunna. Sining bili'é ri Bolana PUWANGNGE, bili' yoloé, Onrong Iya Mapaccingngé, sibawa Onrong Iya Pommapaccingngé,
41:16 ribélo-béloiwi sibawa pamiring aju, polé ri appéna lettu ri tello-tellongenna. Iyaro tello-tellongengngé weddingngi ritongko sibawa kaing paddenring.
41:17 Sininna renring bagiyang lalengngé ribélo-béloiwi sibawa sobbi-sobbi
41:18 pong pattuku sibawa kérub, séddi pong pattuku ri yelle'na tungke duwa kérub. Iyaro kérub-é mappunnaiwi duwa tappa,
41:19 séddi tappa tolino iya mangoloé ri pong pattukué seddé abéyo, sibawa tappa singa iya mangoloé ri pong pattukué seddé atau. Iyaro sobbi-sobbi'é engka ri sininna Bolana PUWANGNGE,
41:20 mappammulai ri appéna lettu ri bagiyang yasé'na sumpangngé.
41:21 Tau-tau tange'na Onrong Iya Mapaccingngé massulapa eppai. Ri yolona Onrong Iya Pommapaccingngé engka séuwa iya paitaé pada-pada mézba polé ri ajué.
41:22 Tanréna séddi sitengnga météré sibawa sakkana séddi météré. Sining sunna, pabborina *Siyagangngaré bettuwang mariyoloé: pabborina Ibrani: lampéna.* sibawa renrinna riyébbui polé ri ajué. Makkedai iyaro worowané lao ri iyya, "Iyanaé méjang iya engkaé ri yolona ahadérékenna PUWANGNGE."
41:23 Ri cappa'na lorong iya mattujué ri Onrong Iya Mapaccingngé engka séuwa sumpang, makkuwatoro ri cappa'na lorong iya mattujué ri Onrong Iya Pommapaccingngé.
41:24 Iyaro sining sumpangngé mappunnai duwa tange iya tattimpa ri tengngaé.
41:25 Tange'na Onrong Iya Mapaccingngé ribélo-béloiwi sibawa sobbi-sobbi pong pattuku sibawa kérub-kérub, pada-pada risining renrinna. Ri yolona bili' yoloé iyanaritu ri saliwenna, engka paddenring polé ri ajué.
41:26 Ri iya duwa tittina renring benrénna engka tello-tellongeng, sibawa renrinna ribélo-béloiwi sibawa sobbi-sobbi pong pattuku.
41:2 na sakkana lima météré. Renringngé ri iya duwa benrénna umpe'na duwa sitengnga météré. Nainappa naukkuru Onrong Iya Mapaccingngéro: lampéna 20 météré sibawa sakkana seppulo météré.
41:3 Nainappa nauttamaki bili' lalengngé. Naukkuru'ni lorong iya matujué lao kuwaro: lampéna séddi météré, sakkana tellu météré, na renrinna ri iya duwa benrénna umpe'na tellu sitengnga météré. *Séddi bettuwang mariyoloé: na renrinna ri iya duwa benrénna umpe'na tellu sitengnga météré. Ibrani: sibawa umpu'na tellu sitengnga météré.*
41:4 Nainappa naukkuru'to bili'éro: bentu'na massulapa eppa, lampéna sibawa sakkana tungke-tungke seppulo météré. Nainappa makkeda lao ri iyya, "Iyanaé Onrong Iya Pommapaccingngé."
41:5 Purairo naukkuru'ni iyaro worowané témbo lalengngé polé ri Bolana PUWANGNGE: umpe'na tellu météré. Ri témbo mattulilinna Bolana PUWANG-ngéro engka bili'-bili' iya sakkanaé duwa météré.
41:6 Iyaro bili'-bili'é mallangga tellu na ri tungke langga engka 30 bili'. Témbo saliwenna tungke langga lebbi manipii naiya témbo langga ri yawana, angkanna iyaro bili'-bili'é weddingngi risusung tessebbo'i témbo Bolana PUWANG-ngéro.
41:7 Polé ri saliweng, iyaro témbo Bolana PUWANGNGE paitai pada umpe'na polé ri yawa lettu ri yasé. Ri témbo saliwengngé polé ri Bolana PUWANGNGE, ri seddé saliwenna bili'-bili'éro, engka duwa addénéng loppo angkanna weddingngi tauwé ménré polé ri langga ri yawaé ménré ri langga duwaé sibawa tellué.
41:8-11 Témbo saliwenna bili'-bili'éro umpe'na duwa sitengnga météré. Iyaro bangunangngé mappunnai duwa sumpang iya mattujué ri bili'-bili' ri seddé manoranna Bolana PUWANGNGE, sibawa sumpang laingngé iya mattujué lao ri bili'-bili' ri seddé yattang. Ri mattulilinna Bolana PUWANGNGE engka paturungeng iya sakkanaé duwa sitengnga météré; onronna tellu météré polé ri tanaé, sibawa riyébbui pada tanréna sibawa pandaménna bili'-bili' ri Bolana PUWANGNGE. Ri pallawangenna paturungengngé sibawa sining bola napaké sining imangngé, engka légo-légo iya sakkanaé seppulo météré, ri abéyo ataunna Bolana PUWANGNGE.
41:12 Ri liwenna seddéna tibang yajang, engka bola loppo iya lampénaé 45 météré sibawa sakkana telluppulo lima météré, na umpe'na sining renrinna duwa sitengnga météré.
41:13 Iyaro worowané naukkuru'ni lampéna Bolana PUWANGNGE: limappulo météré. Polé ri monri Bolana PUWANGNGE lettu ri témbo monrinna bola loppoé ri seddé yajanro pallawangenna limappulo météré.
41:14 Bagiyang yolona polé ri Bolana PUWANGNGE iya mangoloé ri alau sibawa séddéna ri abéyo ataunna, sakkana limappulo météré.
41:15 Iyaro worowané naukkuru towi bola loppo iya mangoloé ri seddéna ri tibang yajang: sakkana limappulo météré, muttama'ni sining renrinna ri abéyo ataunna. Sining bili'é ri Bolana PUWANGNGE, bili' yoloé, Onrong Iya Mapaccingngé, sibawa Onrong Iya Pommapaccingngé,
41:16 ribélo-béloiwi sibawa pamiring aju, polé ri appéna lettu ri tello-tellongenna. Iyaro tello-tellongengngé weddingngi ritongko sibawa kaing paddenring.
41:17 Sininna renring bagiyang lalengngé ribélo-béloiwi sibawa sobbi-sobbi
41:18 pong pattuku sibawa kérub, séddi pong pattuku ri yelle'na tungke duwa kérub. Iyaro kérub-é mappunnaiwi duwa tappa,
41:19 séddi tappa tolino iya mangoloé ri pong pattukué seddé abéyo, sibawa tappa singa iya mangoloé ri pong pattukué seddé atau. Iyaro sobbi-sobbi'é engka ri sininna Bolana PUWANGNGE,
41:20 mappammulai ri appéna lettu ri bagiyang yasé'na sumpangngé.
41:21 Tau-tau tange'na Onrong Iya Mapaccingngé massulapa eppai. Ri yolona Onrong Iya Pommapaccingngé engka séuwa iya paitaé pada-pada mézba polé ri ajué.
41:22 Tanréna séddi sitengnga météré sibawa sakkana séddi météré. Sining sunna, pabborina *Siyagangngaré bettuwang mariyoloé: pabborina Ibrani: lampéna.* sibawa renrinna riyébbui polé ri ajué. Makkedai iyaro worowané lao ri iyya, "Iyanaé méjang iya engkaé ri yolona ahadérékenna PUWANGNGE."
41:23 Ri cappa'na lorong iya mattujué ri Onrong Iya Mapaccingngé engka séuwa sumpang, makkuwatoro ri cappa'na lorong iya mattujué ri Onrong Iya Pommapaccingngé.
41:24 Iyaro sining sumpangngé mappunnai duwa tange iya tattimpa ri tengngaé.
41:25 Tange'na Onrong Iya Mapaccingngé ribélo-béloiwi sibawa sobbi-sobbi pong pattuku sibawa kérub-kérub, pada-pada risining renrinna. Ri yolona bili' yoloé iyanaritu ri saliwenna, engka paddenring polé ri ajué.
41:26 Ri iya duwa tittina renring benrénna engka tello-tellongeng, sibawa renrinna ribélo-béloiwi sibawa sobbi-sobbi pong pattuku.
Comments
Post a Comment