Yéhézkiél 10
10:1 Nainappa makkitaka lao ri kubba iya engkaé ri tompo ulunna sining kérub-éro, nauwitai séuwaé iya pada-padaé kadéra arajang polé ri batu nilangngé.
10:2 Nainappa makkeda Allataala lao ri tau iya mappaké lénangngéro, "Uttama'no ri yelle'na padati-padati iya engkaé ri yawana sining kérub-éro, namuwala sikemmo bara api. Nainappa muwassiyamporeng iyaro baraé ri yasé'na kotaé." Naturusini, naupénessaini.
10:3 Wettunna muttama, iyaro sining kérub-é mattengngangngi tettong ri seddé yattanna Bolana PUWANGNGE. Sitékké ellung pennoiwi seddé lalenna sibawa sininna Bolana PUWANGNGE.
10:4 Cahaya pawilo iya tanrangiyéngngi ahadérékenna PUWANGNGE mattappai polé risining kérub-éro sibawa létté ri sumpang muttama'é ri Bolana PUWANGNGE, angkanna seddéna mancaji macakka senna.
10:5 Iyaro oni kampa pannina sining kérub-é riyéngkalingai lettu ri seddé saliweng, pada-pada saddanna Allataala Iya Pommakuwasaé.
10:6 Puranana nasuro PUWANGNGE tau iya mappaké lénangngéro malai sikemmo bara api polé ri yelle'na padati-padatié ri yawana sining kérub-éro, muttama'ni iyaro tauwé sibawa tettong ri benrénna sala séddinna padati-padatiéro.
10:7 Nainappa sala séddinna polé ri kérub-éro puttama'i limanna ri laleng api iya engkaé ri tengnga-tengngana mennang, mittéi siyagangngaré tékké bara, nanawéréngngi tau iya mappaké lénangngéro. Iyaro tauwé natarimani nainappa lao.
10:8 Uwitani makkedaé ri yawana pannina tungke kérub-éro engka séuwa iya pada-padaé lima tolino.
10:9-10 Uwita towi makkedaé iyaro sining kérub-é pada mappunnaiwi séddi padati ri benrénna. Iya eppa padatiéro sinrupai, sibawa lala'-lala'i pada-pada paramata magelloé. Tungke-tungke mappunnaiwi séddi padati laing iya mappoloé ri tengnga-tengngana.
10:11 Narimakkuwannanaro iyaro sining kérub-é weddingngi mattuju lao ri iya eppa sulapa'é. Naulléi mennang lao kégi-kégi napoji mennang, tennagiling tubunna.
10:12 Sininna tubunna, lekke'na, limanna, pannina sibawa padati-padatinnato pennoi sibawa mata.
10:13 Uwéngkalingai makkedaé iyaro padati-padatié riteppui "talippuru".
10:14 Tungke kérub-éro mappunnaiwi eppa tappa iya silaingengngé. Tappa mammulangngé iyanaritu tappa banténg, iya maduwaé tappa tau, iya matellué tappa singa, sibawa iya maeppaé tappa kuwajang.
10:15-17 Sining kérub-énnaro iya uwitaé riyolo ri wirinna Salo Kébar. Sises-siseng iyaro kérub-é kédo iyaré'ga pallebba'i pannina, ménré ri yelle'é sibawa luttu malluru iyaré'ga mappésau, iyaro padati-padatié tuli maccowéi, nasaba rikuwasaiwi risining kérub-éro.
10:18 Nainappa cahaya pawilo iya tanrangiyéngngi ahadérékenna PUWANGNGE salaiwi sumpang muttama'é Bolana PUWANGNGE sibawa létté ri yasé'na sining kérub-éro.
10:19 Uwitai iyaro sining kérub-é pallebba'i pannina sibawa luttu salaiwi tanaé nainappa lao, nanaccowéto padati-padatinna. Nainappa mappésau mennang ri seddéna pintu gerbanna Bolana PUWANGNGE ri seddé alau, na cahaya pawiloé tette'i ri yasé'na mennang.
10:20 Uwéngngeranni makkedaé iyanaro sining kérub iya uwitaé riyolo engka ri yawana Allataalana Israélié, ri wirinna Salo Kébar.
10:21 Iyaro sining kérub-é tungke-tungke mappunnaiwi eppa tappa, duwappasang panni, sibawato séuwa iya pada-padaé lima tau ri yawana panni-panninaro.
10:22 Tappana *Naullé bettuwanna: Tappana; Ibrani: tappana sibawa mennang.* mennang sinrupa towi sibawa tappana sining kérub iya uwitaé ri wirinna Salo Kébar. Tungke-tungke joppai mallempu liyolo.
10:2 Nainappa makkeda Allataala lao ri tau iya mappaké lénangngéro, "Uttama'no ri yelle'na padati-padati iya engkaé ri yawana sining kérub-éro, namuwala sikemmo bara api. Nainappa muwassiyamporeng iyaro baraé ri yasé'na kotaé." Naturusini, naupénessaini.
10:3 Wettunna muttama, iyaro sining kérub-é mattengngangngi tettong ri seddé yattanna Bolana PUWANGNGE. Sitékké ellung pennoiwi seddé lalenna sibawa sininna Bolana PUWANGNGE.
10:4 Cahaya pawilo iya tanrangiyéngngi ahadérékenna PUWANGNGE mattappai polé risining kérub-éro sibawa létté ri sumpang muttama'é ri Bolana PUWANGNGE, angkanna seddéna mancaji macakka senna.
10:5 Iyaro oni kampa pannina sining kérub-é riyéngkalingai lettu ri seddé saliweng, pada-pada saddanna Allataala Iya Pommakuwasaé.
10:6 Puranana nasuro PUWANGNGE tau iya mappaké lénangngéro malai sikemmo bara api polé ri yelle'na padati-padatié ri yawana sining kérub-éro, muttama'ni iyaro tauwé sibawa tettong ri benrénna sala séddinna padati-padatiéro.
10:7 Nainappa sala séddinna polé ri kérub-éro puttama'i limanna ri laleng api iya engkaé ri tengnga-tengngana mennang, mittéi siyagangngaré tékké bara, nanawéréngngi tau iya mappaké lénangngéro. Iyaro tauwé natarimani nainappa lao.
10:8 Uwitani makkedaé ri yawana pannina tungke kérub-éro engka séuwa iya pada-padaé lima tolino.
10:9-10 Uwita towi makkedaé iyaro sining kérub-é pada mappunnaiwi séddi padati ri benrénna. Iya eppa padatiéro sinrupai, sibawa lala'-lala'i pada-pada paramata magelloé. Tungke-tungke mappunnaiwi séddi padati laing iya mappoloé ri tengnga-tengngana.
10:11 Narimakkuwannanaro iyaro sining kérub-é weddingngi mattuju lao ri iya eppa sulapa'é. Naulléi mennang lao kégi-kégi napoji mennang, tennagiling tubunna.
10:12 Sininna tubunna, lekke'na, limanna, pannina sibawa padati-padatinnato pennoi sibawa mata.
10:13 Uwéngkalingai makkedaé iyaro padati-padatié riteppui "talippuru".
10:14 Tungke kérub-éro mappunnaiwi eppa tappa iya silaingengngé. Tappa mammulangngé iyanaritu tappa banténg, iya maduwaé tappa tau, iya matellué tappa singa, sibawa iya maeppaé tappa kuwajang.
10:15-17 Sining kérub-énnaro iya uwitaé riyolo ri wirinna Salo Kébar. Sises-siseng iyaro kérub-é kédo iyaré'ga pallebba'i pannina, ménré ri yelle'é sibawa luttu malluru iyaré'ga mappésau, iyaro padati-padatié tuli maccowéi, nasaba rikuwasaiwi risining kérub-éro.
10:18 Nainappa cahaya pawilo iya tanrangiyéngngi ahadérékenna PUWANGNGE salaiwi sumpang muttama'é Bolana PUWANGNGE sibawa létté ri yasé'na sining kérub-éro.
10:19 Uwitai iyaro sining kérub-é pallebba'i pannina sibawa luttu salaiwi tanaé nainappa lao, nanaccowéto padati-padatinna. Nainappa mappésau mennang ri seddéna pintu gerbanna Bolana PUWANGNGE ri seddé alau, na cahaya pawiloé tette'i ri yasé'na mennang.
10:20 Uwéngngeranni makkedaé iyanaro sining kérub iya uwitaé riyolo engka ri yawana Allataalana Israélié, ri wirinna Salo Kébar.
10:21 Iyaro sining kérub-é tungke-tungke mappunnaiwi eppa tappa, duwappasang panni, sibawato séuwa iya pada-padaé lima tau ri yawana panni-panninaro.
10:22 Tappana *Naullé bettuwanna: Tappana; Ibrani: tappana sibawa mennang.* mennang sinrupa towi sibawa tappana sining kérub iya uwitaé ri wirinna Salo Kébar. Tungke-tungke joppai mallempu liyolo.
Comments
Post a Comment