Mazmur 124

124:1 Elong ziyarana Daud. Pékkugi akkalarapanna PUWANGNGE dé' naccowériki? Eh Israélié, baliwi makkuwaéwé:
124:2 "Akkalarapanna PUWANGNGE dé' nasibawakki wettutta nagasa balié,
124:3 purani naemme tuwo-tuwo, nasaba caina mennang iya maseroé.
124:4 Purani naalireng lémpe, sibawa nalle uwai;
124:5 namaténi tallemme ri laleng sulilina uwai makarame'é."
124:6 Laono mai tasukkuru lao ri PUWANGNGE, saba' dé' naleppessakki ripaccappu ri balié.
124:7 Pada-padaki manu'-manu' iya leppe'é polé ri siyona paddengngengngé, pettuni iyaro siyoé, na idi leppe toni!
124:8 Pattulutta poléi ri PUWANGNGE iya pancajiyéngngi langié sibawa linoé.