Mazmur 121

121:1 Elong ziyara. Makkitaka lao risining bulué, polé kégi pattulungngé untu' aléku?
121:2 Pattulukku poléi ri PUWANGNGE iya pancajiyéngngi langié sibawa linoé.
121:3 Dé' naleppessakko matu menrung, tuli jagai pallinrummu.
121:4 Sitongenna, pallinrunna iyaro Israélié dé' naengka nacakkaruddu iyaré'ga matinro.
121:5 PUWANGNGE jagaiko matu, engkai ri benrémmu untu' linrungiko.
121:6 Dé' Mumalasa matu nasaba mata essoé ri essoé, iyaré'ga nasaba kétengngé ri wennié.
121:7 Nalinrungiko matu PUWANGNGE polé ri abalaé, Najagaiko kuwammengngi nasalama atuwommu.
121:8 Nalinrungiko wettummu polé sibawa lao, makkekkuwangngé sibawa mannennungeng