Kolosé 2
2:1 Macinnaka muwissengngi pékkugi serona méwaka ri laleng batékku untu' iko sibawa untu' mennang iya engkaé ri Laodikia enrengngé sininna iya dé'é naissekka secara paribadi.
2:2 Iya manennaé upogau'i kuwammengngi namawatang atinna mennang enrengngé siyamaséiwi mennang angkanna mare'i mennang masséddi. Nanallalengiro natonget-tongengngi mennang napahang sibawa mateppe' enrengngé naisseng rahasiyana Allataala, iyanaritu Yésus Kristus muto. *rahasiyana Allataala, iyanaritu aléna Yésus Kristus: siyagangngaré kitta mariyoloé: rahasiyana Allataala; engkato: rahasiyana Allataala, Ambo'na Kristus; engkato: rahasiyana Allataala Ambo'é sibawa rahasiyana Kristus.*
2:3 Kristus ritu timpa'i sininna apanrénna enrengngé pangissengenna Allataala iya tassubbué riyolo.
2:4 Uwappaissengengngi iyaé kuwammengngi aja' naribengnguwakko muwi riniga iya macenningngé témunna lao ri iko.
2:5 Nasaba muni mabélaka polé ri iko, angga'ka engka ri yelle'mu. Sibawa marennuka mitako massiati enrengngé masse mateppe' lao ri Kristus.
2:6 Pura natarimani Saudara-saudara Kristus Yésus selaku Puwang. Rimakkuwannanaro sitinajako masséddi sibawa Aléna,
2:7 enrengngé makkure' ri laleng Aléna. Sitinajako patettongngi atuwonna na Kristus selaku pallapi'na. Sitinajako pédé mateppe' lao ri Yésus Kristus manuru aga iya puraé ripagguruwangngékko. Nasitinajai atimmu luwang sibawa pattarima kasi.
2:8 Sitinajako matike', aja' narapii engka palaiko siyo-siyo sibawa pangissengeng-pangissengeng tolino iya dé'é nakkéguna, sangadinna banna mappapusaé. Iyaro sining pangissengengngé dé' napolé ri Kristus, sangadinna poléi ri pallolongenna tolinoé bawang sibawa polé ri roh-roh iya makuwasaiyéngngi linoé.
2:9 Saba' sininna paribadinna Allataala monroi ri laleng Kristus, iyanaritu ri tolino-Na.
2:10 Sibawa nasaba tuwoi masséddi sibawa Kristus, nariwéréng tokko atuwong iya sukkué. Nasaba Kristus iyanaritu kapalana tungke' roh iya makuwasaé sibawa mapparéntaé.
2:11 Nasaba masséddiko sibawa Kristus, napura risunna'ko, tenniya sunna iya naébbué tolinoé, sangadinna sunna iya naébbué Kristus, iya paleppe'ékko polé ri akuwasanna sipa'-sipa' iya madosaé.
2:12 Saba' wettunna ricemméko, rikuburu'ko silaong Kristus; nasibawang iyaro acemméngngétto, maccowé tokko ripatuwo paimeng silaong Kristus nasaba mateppe'ko ri akuwasanna Allataala iya puraé patuwoi Kristus polé ri amaténgngé.
2:13 Riyolo, matéko secara rohani nasaba madosako, sibawa nasaba dé' narisunna'ko secara mallahéreng. Iyakiya makkekkuwangngé Allataala patuwoko silaong Kristus. Purani naddampengeng Allataala sininna dosata,
2:14 enrengngé leddai sure' inretta, iya mancangngékki sibawa sara'-sara' iya matane'é. Ri laleng nasallina iyaro sure'é ri aju sallié, naleddai Allataala sininna natenrekengngékki.
2:15 Ri salliéro, naébbui Kristus sininna roh-roh iya mapparéntaé sibawa makuwasaé mancaji dé'na pakkullénna. *Kristus mébbui sininna roh-roh iya mapparéntaé sibawa makuwasai mancajiwi dé'na pakkullénna: iyaré'ga Kristus paleppe'i aléna polé ri roh-roh iya mapparéntaé sibawa makuwasaé.* Ripancajiwi mennang akkita-itang ri tau maégaé wettunna Kristus tinrosiwi mennang selaku tawangeng ri laleng barisi' apakalan-Na.
2:16 Rimakkuwannanaro aja' muleppessangngi tauwé passaloko passalenna anré iyaré'ga énungengngé, iyaré'ga passalenna esso-esso marajana agamaé, iyaré'ga ramé-ramé uleng barué, iyaré'to passalenna Esso Saba'é.
2:17 Iya manennaro banna wajo-wajona bawang polé ri gau'-gau iya maéloé polé, iyakiya annessana iyaro gau'-gau'é iyanaritu Kristus!
2:18 Aja' muleppessangngi alému riparogi ri tau iya majjaiyéngngi pakariyawai aléna sibawa iya massompaé malaéka'-malaéka'. Iyaro tauwé matempoi sibawa sining pikkiranna iya linoémmi bawang enrengngé mammingki-mingkikengngi sining pakkitang dé'é padanna,
2:19 angkanna dé'na nakkatenning ri Kristus iya mancaji ulué. Ri yawa pappimpinna Kristus, sininna tubué ripiyarai enrengngé ripasséddiwi ri padduppa-duppanna, kuwaéttopa mpekke'i situru élona Allataala.
2:20 Purani matéko silaong Kristus, sibawa purani ripaleppe polé ri roh-roh iya makuwasaiyéngngi alangngé. Nah, magi namutuwo pada-pada tau iya rikuwasaiyé mupa ri linoéwé? Magi saudara natunru lao ri peraturang-peraturang pada-padaéwé,
2:21 "Aja' mukarawai iyaé", "Aja' mukarawai iyaro", "Aja' mugéssai iyaé".
2:22 Sininna iyaro peraturangngé iyanaritu passalenna gau'-gau' makkuwaéro iya ripakéénna dé'na nakkégunana. Iyaro banna peraturang-peraturang sibawa pappagguruwang-pappagguruwang iya naébbué tolinoé.
2:23 Mémeng paitai iyaro gau'é makessingngi, sibawa pappétangngana kuwammengngi tauwé nasompai malaéka'é, pakariyawai aléna enrengngé sissai aléna; iyakiya iya manennaro dé' nakkéguna untu' makuwasaiwi napessunna tolinoé. *dé' nakkéguna untu' makuwasaiwi napessunna tolinoé: iyaré'ga dé' nakkéguna sangadinna untu' pésennangiwi napessunna tolinoé.*
2:2 Iya manennaé upogau'i kuwammengngi namawatang atinna mennang enrengngé siyamaséiwi mennang angkanna mare'i mennang masséddi. Nanallalengiro natonget-tongengngi mennang napahang sibawa mateppe' enrengngé naisseng rahasiyana Allataala, iyanaritu Yésus Kristus muto. *rahasiyana Allataala, iyanaritu aléna Yésus Kristus: siyagangngaré kitta mariyoloé: rahasiyana Allataala; engkato: rahasiyana Allataala, Ambo'na Kristus; engkato: rahasiyana Allataala Ambo'é sibawa rahasiyana Kristus.*
2:3 Kristus ritu timpa'i sininna apanrénna enrengngé pangissengenna Allataala iya tassubbué riyolo.
2:4 Uwappaissengengngi iyaé kuwammengngi aja' naribengnguwakko muwi riniga iya macenningngé témunna lao ri iko.
2:5 Nasaba muni mabélaka polé ri iko, angga'ka engka ri yelle'mu. Sibawa marennuka mitako massiati enrengngé masse mateppe' lao ri Kristus.
2:6 Pura natarimani Saudara-saudara Kristus Yésus selaku Puwang. Rimakkuwannanaro sitinajako masséddi sibawa Aléna,
2:7 enrengngé makkure' ri laleng Aléna. Sitinajako patettongngi atuwonna na Kristus selaku pallapi'na. Sitinajako pédé mateppe' lao ri Yésus Kristus manuru aga iya puraé ripagguruwangngékko. Nasitinajai atimmu luwang sibawa pattarima kasi.
2:8 Sitinajako matike', aja' narapii engka palaiko siyo-siyo sibawa pangissengeng-pangissengeng tolino iya dé'é nakkéguna, sangadinna banna mappapusaé. Iyaro sining pangissengengngé dé' napolé ri Kristus, sangadinna poléi ri pallolongenna tolinoé bawang sibawa polé ri roh-roh iya makuwasaiyéngngi linoé.
2:9 Saba' sininna paribadinna Allataala monroi ri laleng Kristus, iyanaritu ri tolino-Na.
2:10 Sibawa nasaba tuwoi masséddi sibawa Kristus, nariwéréng tokko atuwong iya sukkué. Nasaba Kristus iyanaritu kapalana tungke' roh iya makuwasaé sibawa mapparéntaé.
2:11 Nasaba masséddiko sibawa Kristus, napura risunna'ko, tenniya sunna iya naébbué tolinoé, sangadinna sunna iya naébbué Kristus, iya paleppe'ékko polé ri akuwasanna sipa'-sipa' iya madosaé.
2:12 Saba' wettunna ricemméko, rikuburu'ko silaong Kristus; nasibawang iyaro acemméngngétto, maccowé tokko ripatuwo paimeng silaong Kristus nasaba mateppe'ko ri akuwasanna Allataala iya puraé patuwoi Kristus polé ri amaténgngé.
2:13 Riyolo, matéko secara rohani nasaba madosako, sibawa nasaba dé' narisunna'ko secara mallahéreng. Iyakiya makkekkuwangngé Allataala patuwoko silaong Kristus. Purani naddampengeng Allataala sininna dosata,
2:14 enrengngé leddai sure' inretta, iya mancangngékki sibawa sara'-sara' iya matane'é. Ri laleng nasallina iyaro sure'é ri aju sallié, naleddai Allataala sininna natenrekengngékki.
2:15 Ri salliéro, naébbui Kristus sininna roh-roh iya mapparéntaé sibawa makuwasaé mancaji dé'na pakkullénna. *Kristus mébbui sininna roh-roh iya mapparéntaé sibawa makuwasai mancajiwi dé'na pakkullénna: iyaré'ga Kristus paleppe'i aléna polé ri roh-roh iya mapparéntaé sibawa makuwasaé.* Ripancajiwi mennang akkita-itang ri tau maégaé wettunna Kristus tinrosiwi mennang selaku tawangeng ri laleng barisi' apakalan-Na.
2:16 Rimakkuwannanaro aja' muleppessangngi tauwé passaloko passalenna anré iyaré'ga énungengngé, iyaré'ga passalenna esso-esso marajana agamaé, iyaré'ga ramé-ramé uleng barué, iyaré'to passalenna Esso Saba'é.
2:17 Iya manennaro banna wajo-wajona bawang polé ri gau'-gau iya maéloé polé, iyakiya annessana iyaro gau'-gau'é iyanaritu Kristus!
2:18 Aja' muleppessangngi alému riparogi ri tau iya majjaiyéngngi pakariyawai aléna sibawa iya massompaé malaéka'-malaéka'. Iyaro tauwé matempoi sibawa sining pikkiranna iya linoémmi bawang enrengngé mammingki-mingkikengngi sining pakkitang dé'é padanna,
2:19 angkanna dé'na nakkatenning ri Kristus iya mancaji ulué. Ri yawa pappimpinna Kristus, sininna tubué ripiyarai enrengngé ripasséddiwi ri padduppa-duppanna, kuwaéttopa mpekke'i situru élona Allataala.
2:20 Purani matéko silaong Kristus, sibawa purani ripaleppe polé ri roh-roh iya makuwasaiyéngngi alangngé. Nah, magi namutuwo pada-pada tau iya rikuwasaiyé mupa ri linoéwé? Magi saudara natunru lao ri peraturang-peraturang pada-padaéwé,
2:21 "Aja' mukarawai iyaé", "Aja' mukarawai iyaro", "Aja' mugéssai iyaé".
2:22 Sininna iyaro peraturangngé iyanaritu passalenna gau'-gau' makkuwaéro iya ripakéénna dé'na nakkégunana. Iyaro banna peraturang-peraturang sibawa pappagguruwang-pappagguruwang iya naébbué tolinoé.
2:23 Mémeng paitai iyaro gau'é makessingngi, sibawa pappétangngana kuwammengngi tauwé nasompai malaéka'é, pakariyawai aléna enrengngé sissai aléna; iyakiya iya manennaro dé' nakkéguna untu' makuwasaiwi napessunna tolinoé. *dé' nakkéguna untu' makuwasaiwi napessunna tolinoé: iyaré'ga dé' nakkéguna sangadinna untu' pésennangiwi napessunna tolinoé.*
Comments
Post a Comment