Ayub 41
41:1 Mulléga tikkengngi buwaja Léwiatan, banna sibawa séddi méng balé? Mulléga massiyorengngi lilana sibawa tulu passiyo?
41:2 Mulléga pasang tulu ri inge'na iyaré'ga sakka bessi ri langona?
41:3 Naulléga méllauwi ri iko untu' ripaleppe? iyaré'ga barunding sibawa iko, méllauwi paressé babuwamu?
41:4 Weddigga mébbu assituruseng sibawa iko, sibawa majjanci tuli maélo tumaningiko?
41:5 Mulléga siyoi pada-pada manu'-manu' ripiyaraé, iya pésennangiyéngngi ata-ata makkunraié?
41:6 Weddigga ridangkangeng risining pakkajaé sibawa riyabbagé-bagéyang ri yelle'na sining padangkangngé?
41:7 Mulléga toddo'i bingkulanna sibawa bessi tellué matanna iyaré'ga rawu'i sibawa bessi iya bettuéngngi ulunna?
41:8 Géssai siseng bawang, sibawa dé'na mumaélo pakkolingngi; iyaro allagangngé dé' muwallupaiwi matu mannennungeng.
41:9 Tungke' tau iya mitaéngngi Léwiatan, mancaji malemmai matu nainappa mabuwang marenne.
41:10 Masekkangngi rékko ripaoto'i polé ri tinrona; dé' muwi séddi tau barani tettong ri yolona.
41:11 Niga barani luruiwi tennakenna lo? Ri linoéwé dé' gaga mulléi pogau'i.
41:12 Laono mai Ucuritakko passalenna watakkaléna Léwiatan, passalenna awatangenna sibawa bentu'na magelloé.
41:13 Dé' muwi séddi tau mulléi sapé'i waju saliwenna iyaré'ga bettui waju musu *Séddi bettuwang mariyoloé: waju musu; Ibrani: galang.* iya napaké.
41:14 Niga mulléi timpa'i pannyoro'na iya mawatangngé, mallise isi-isi iya mappakatau-taué?
41:15 Pada-pada séré massusungngé, lekke'na *Siyagangngaré bettuwang mariyoloé: lekke'na; Ibrani: abangkakenna.* maddeppé mare, pada-pada batué tedde'na.
41:16 Sitenre-tenre tassiyo mare, angkanna muwi angingngé dé'to naulléi muttama maccelle.
41:17 Iyaro séréé makkuwamani asse'na siyanré angkanna temmakkullé ripassarang
41:18 Rékko tarassiwi Léwiatan, tabbessi cahayaé; mallala matanna samanna ompona mata essoé.
41:19 Tassiyampo luwa apié polé ri bawana; tassiyamporeng bunga apié lao tulili.
41:20 Maddumpu rumpué polé ri laleng inge'na, pada-pada rumpu aju tunungngé ri yawana oringngé.
41:21 Napalluwa baraé nappase'na; massu luwa apié polé ri bawana.
41:22 Cekkonna makkuwamani watanna, angkanna métau maneng ri yolona.
41:23 Dé'gaga onrong malemma ri bingkulanna; dé' namakkullé mareppa nasaba sittedde baja'é.
41:24 Atinna sittedde batué, dé' naissengngi kaléwa-léwa'é masse sibawa matedde pada-pada batu allélurengngé.
41:25 Rékko tokkongngi, muwi tau kaminang mawatangngé *tau kaminang mawatangngé, iyaré'ga déwata-déwata.* ateddéngeng towi abaraningenna, naébbui dé' pakkullénna nasaba métau senna'i.
41:26 Dé'gaga peddang mulléi loi; bessi, pana iyaré'ga duru' dé' naulléi peddiriwi.
41:27 Nasemmi bessié pada-pada alusu'na wellaé sibawa tembagaé pada-pada péca'na aju keddi-keddingngé.
41:28 Dé' gaga pana mulléi paddésu'i; batu iya rigenrungengngéngngi samanna daramémi bawang.
41:29 Godangngé naangga padami silampaé wella rakko; macawami rékko rirawu'i bessi ri tauwé.
41:30 Sessi'é ri babuwana pada-padai reppa pinceng iya macacaé cappa'na. Padai pakkakkasa paddése *Pakkakkasa paddése: Iyaé pakkakkasa'é mappunnaiwi paréwa matareng iya polé ri bessié iyaré'ga batué ripasangngé ri yawana.* nakaéi bungkaé sibawa napuwé'i.
41:31 Nagarui tasi'é angkanna sinrupa uwai rédé; pada-pada panci attanakeng minnya iya mabbusa-busaé.
41:32 Salaiwi batéla ajé iya maccahayaé, napinrai tasi'é mancaji busa iya maputé tappana.
41:33 Ri yasé'na linoé dé' gaga tandinganna; mahlu' iya dé'é naissengngi métau, alénana ritu!
41:34 Muwi olokolo iya kaminang magelloé naitato matuna; ri yelle'na sining olokolo masekkangngé, aléna ritu arung."
41:2 Mulléga pasang tulu ri inge'na iyaré'ga sakka bessi ri langona?
41:3 Naulléga méllauwi ri iko untu' ripaleppe? iyaré'ga barunding sibawa iko, méllauwi paressé babuwamu?
41:4 Weddigga mébbu assituruseng sibawa iko, sibawa majjanci tuli maélo tumaningiko?
41:5 Mulléga siyoi pada-pada manu'-manu' ripiyaraé, iya pésennangiyéngngi ata-ata makkunraié?
41:6 Weddigga ridangkangeng risining pakkajaé sibawa riyabbagé-bagéyang ri yelle'na sining padangkangngé?
41:7 Mulléga toddo'i bingkulanna sibawa bessi tellué matanna iyaré'ga rawu'i sibawa bessi iya bettuéngngi ulunna?
41:8 Géssai siseng bawang, sibawa dé'na mumaélo pakkolingngi; iyaro allagangngé dé' muwallupaiwi matu mannennungeng.
41:9 Tungke' tau iya mitaéngngi Léwiatan, mancaji malemmai matu nainappa mabuwang marenne.
41:10 Masekkangngi rékko ripaoto'i polé ri tinrona; dé' muwi séddi tau barani tettong ri yolona.
41:11 Niga barani luruiwi tennakenna lo? Ri linoéwé dé' gaga mulléi pogau'i.
41:12 Laono mai Ucuritakko passalenna watakkaléna Léwiatan, passalenna awatangenna sibawa bentu'na magelloé.
41:13 Dé' muwi séddi tau mulléi sapé'i waju saliwenna iyaré'ga bettui waju musu *Séddi bettuwang mariyoloé: waju musu; Ibrani: galang.* iya napaké.
41:14 Niga mulléi timpa'i pannyoro'na iya mawatangngé, mallise isi-isi iya mappakatau-taué?
41:15 Pada-pada séré massusungngé, lekke'na *Siyagangngaré bettuwang mariyoloé: lekke'na; Ibrani: abangkakenna.* maddeppé mare, pada-pada batué tedde'na.
41:16 Sitenre-tenre tassiyo mare, angkanna muwi angingngé dé'to naulléi muttama maccelle.
41:17 Iyaro séréé makkuwamani asse'na siyanré angkanna temmakkullé ripassarang
41:18 Rékko tarassiwi Léwiatan, tabbessi cahayaé; mallala matanna samanna ompona mata essoé.
41:19 Tassiyampo luwa apié polé ri bawana; tassiyamporeng bunga apié lao tulili.
41:20 Maddumpu rumpué polé ri laleng inge'na, pada-pada rumpu aju tunungngé ri yawana oringngé.
41:21 Napalluwa baraé nappase'na; massu luwa apié polé ri bawana.
41:22 Cekkonna makkuwamani watanna, angkanna métau maneng ri yolona.
41:23 Dé'gaga onrong malemma ri bingkulanna; dé' namakkullé mareppa nasaba sittedde baja'é.
41:24 Atinna sittedde batué, dé' naissengngi kaléwa-léwa'é masse sibawa matedde pada-pada batu allélurengngé.
41:25 Rékko tokkongngi, muwi tau kaminang mawatangngé *tau kaminang mawatangngé, iyaré'ga déwata-déwata.* ateddéngeng towi abaraningenna, naébbui dé' pakkullénna nasaba métau senna'i.
41:26 Dé'gaga peddang mulléi loi; bessi, pana iyaré'ga duru' dé' naulléi peddiriwi.
41:27 Nasemmi bessié pada-pada alusu'na wellaé sibawa tembagaé pada-pada péca'na aju keddi-keddingngé.
41:28 Dé' gaga pana mulléi paddésu'i; batu iya rigenrungengngéngngi samanna daramémi bawang.
41:29 Godangngé naangga padami silampaé wella rakko; macawami rékko rirawu'i bessi ri tauwé.
41:30 Sessi'é ri babuwana pada-padai reppa pinceng iya macacaé cappa'na. Padai pakkakkasa paddése *Pakkakkasa paddése: Iyaé pakkakkasa'é mappunnaiwi paréwa matareng iya polé ri bessié iyaré'ga batué ripasangngé ri yawana.* nakaéi bungkaé sibawa napuwé'i.
41:31 Nagarui tasi'é angkanna sinrupa uwai rédé; pada-pada panci attanakeng minnya iya mabbusa-busaé.
41:32 Salaiwi batéla ajé iya maccahayaé, napinrai tasi'é mancaji busa iya maputé tappana.
41:33 Ri yasé'na linoé dé' gaga tandinganna; mahlu' iya dé'é naissengngi métau, alénana ritu!
41:34 Muwi olokolo iya kaminang magelloé naitato matuna; ri yelle'na sining olokolo masekkangngé, aléna ritu arung."
Comments
Post a Comment