Ayub 20
20:1-2 Namappébali Zofar, "Eh Ayub, tassinggukka mutaro, macinnaka makkekkuwangngé mabbéréyangngi pappébalikku.
20:3 Iyaro ada-adammu mappakatuna tongeng, iyakiya uwisseng pékkugi baliwi.
20:4 Dé'ga muwissengngi makkedaé polé ri wettu riyolo, mappammulai ritarona tolino bunge'-bunge'é ri linoé,
20:5 arennunna tomajaé banna cinampe bawang, sibawa asennangenna tau madorakaé sikédé mata?
20:6 Namuni arajanna lettu'i ri bitaraé, angkanna ulunna nagéssai ellungngé,
20:7 iyakiya lennye'i matu mannennungeng, teddéngngi polé ri linoé sibawa cara iya matunaé. Sining tau iya puraé missengngi, makkutanai matu, 'Eh, kégi laona?'
20:8 Teddéngngi matu pada-pada wajo-wajona nippié, lennye pada-pada pakkitangngé ri wennié.
20:9 Dé'na napaita ri mataé; dé'ni gagana ri onrong naonroiyé.
20:10 Iya naénnauwé riyolo polé ri tau iya dé'é nappunnai harusu'i nasulléi ana'-ana'na.
20:11 Namuni maloloi sibawa poréi, iyakiya dé' namaittana namancaji awu bawang.
20:12-13 Temmaka cenninna jaé ri lalang bawana! Rasana sayangngi untu' riyemme masitta; rimakkuwannanaro nataroi ri yawana lilana, kuwammengngi namaitta napéneddingi.
20:14 Iyakiya iyaro inanré tappinrai ri laleng babuwaé, mancajiwi racung mapai pattiwi amaténg.
20:15 Waramparang riyénnau iya naemme'é, tarapassai naluwa; napassui Allataala polé ri laleng paruna.
20:16 Tomajaé ménungngi matu racung pattiwi abalaé, nassabariwi matu maté pada-pada naokkoé ula mamoso.
20:17 Dé' napéneddingiwi matu minnya zaitun iya maonaé, *Naullé bettuwanna: Dé' matu ... iya maonaé.* iyaré'ga susu sibawa cani tattuppa-tuppa'é.
20:18 Sininna asaronna harusu'i napalisu; wassélé usahana dé' matu napéneddingiwi.
20:19 Saba' natenre'i sibawa dé' najampangiwi tau iya dé'é nappunnai; narampasa'i sining bola iya dé'é napatettongngi.
20:20 Nasaba angowanna dé' naissengngi paggangkanna, nadé'na matu nacau.
20:21 Rékko manréi napaccappu maneng, rimakkuwannanaro adécéngenna dé' nattahang.
20:22 Wettunna maccoppo adécéngenna, anrasa-rasangngé sibawa saraé poléi geppai.
20:23 Wettunna marépo lisekiwi babuwana, macai senna'i Allataala sibawa hukkungngi.
20:24 Rékko lariwi massala polé ri peddang baja'é, riloi matu ri pana tembagaé.
20:25 Nakennai pana, angkanna malo; cappa pana iya lala'é bettui tubunna, nanasalipurini tau atinna.
20:26 Ancuru'ni sininna waramparang natarona; aléna silaong sininna kaluwargana nanréi api iya dé'é napalluwa'i tolinoé.
20:27 Langié timpa'i jana; tokkongngi linoé méwai.
20:28 Sininna asugirenna cappui matu, nasaba tuppa caina Allataala.
20:29 Iyanaro totona tau iya madorakaé, toto iya napattentué Allataala untu' aléna."
20:3 Iyaro ada-adammu mappakatuna tongeng, iyakiya uwisseng pékkugi baliwi.
20:4 Dé'ga muwissengngi makkedaé polé ri wettu riyolo, mappammulai ritarona tolino bunge'-bunge'é ri linoé,
20:5 arennunna tomajaé banna cinampe bawang, sibawa asennangenna tau madorakaé sikédé mata?
20:6 Namuni arajanna lettu'i ri bitaraé, angkanna ulunna nagéssai ellungngé,
20:7 iyakiya lennye'i matu mannennungeng, teddéngngi polé ri linoé sibawa cara iya matunaé. Sining tau iya puraé missengngi, makkutanai matu, 'Eh, kégi laona?'
20:8 Teddéngngi matu pada-pada wajo-wajona nippié, lennye pada-pada pakkitangngé ri wennié.
20:9 Dé'na napaita ri mataé; dé'ni gagana ri onrong naonroiyé.
20:10 Iya naénnauwé riyolo polé ri tau iya dé'é nappunnai harusu'i nasulléi ana'-ana'na.
20:11 Namuni maloloi sibawa poréi, iyakiya dé' namaittana namancaji awu bawang.
20:12-13 Temmaka cenninna jaé ri lalang bawana! Rasana sayangngi untu' riyemme masitta; rimakkuwannanaro nataroi ri yawana lilana, kuwammengngi namaitta napéneddingi.
20:14 Iyakiya iyaro inanré tappinrai ri laleng babuwaé, mancajiwi racung mapai pattiwi amaténg.
20:15 Waramparang riyénnau iya naemme'é, tarapassai naluwa; napassui Allataala polé ri laleng paruna.
20:16 Tomajaé ménungngi matu racung pattiwi abalaé, nassabariwi matu maté pada-pada naokkoé ula mamoso.
20:17 Dé' napéneddingiwi matu minnya zaitun iya maonaé, *Naullé bettuwanna: Dé' matu ... iya maonaé.* iyaré'ga susu sibawa cani tattuppa-tuppa'é.
20:18 Sininna asaronna harusu'i napalisu; wassélé usahana dé' matu napéneddingiwi.
20:19 Saba' natenre'i sibawa dé' najampangiwi tau iya dé'é nappunnai; narampasa'i sining bola iya dé'é napatettongngi.
20:20 Nasaba angowanna dé' naissengngi paggangkanna, nadé'na matu nacau.
20:21 Rékko manréi napaccappu maneng, rimakkuwannanaro adécéngenna dé' nattahang.
20:22 Wettunna maccoppo adécéngenna, anrasa-rasangngé sibawa saraé poléi geppai.
20:23 Wettunna marépo lisekiwi babuwana, macai senna'i Allataala sibawa hukkungngi.
20:24 Rékko lariwi massala polé ri peddang baja'é, riloi matu ri pana tembagaé.
20:25 Nakennai pana, angkanna malo; cappa pana iya lala'é bettui tubunna, nanasalipurini tau atinna.
20:26 Ancuru'ni sininna waramparang natarona; aléna silaong sininna kaluwargana nanréi api iya dé'é napalluwa'i tolinoé.
20:27 Langié timpa'i jana; tokkongngi linoé méwai.
20:28 Sininna asugirenna cappui matu, nasaba tuppa caina Allataala.
20:29 Iyanaro totona tau iya madorakaé, toto iya napattentué Allataala untu' aléna."
Comments
Post a Comment