Ayub 1
1:1 Ri tana Us *Us: Séuwa daéra iya dé'é narisseng onronna.* monroi séddi tau worowané riyasengngé Ayub. Nasompai Allataala sibawa matinulu na lao ri Aléna. Séddiwi tau iya makessing atié sibawa dé' napogau' ja muwi céddé.
1:2 Mappunnaiwi pitu ana' worowané sibawa tellu ana' makkunrai.
1:3 Ri lainnaéro mappunnaiwi maéga ata, 7.000 kajunna bimbala, 3.000 kajunna unta, 1.000 kajunna saping, sibawa 500 kajunna kaleddé. Riponcoki adaé, aléna iyanaritu tau kaminang sugi ri yelle'na pabbanuwaé ri daéra Alau.
1:4 Iya pitu ana' worowanéna Ayub mappunnai abiyasang untu' pakangka pésta ri bolona tungke'-tungke' secara makkaléléng. Ri péstaéro iya tellu ana' makkunrainna Ayub riundang towi, nainappa mennang manré ménung maneng sisama.
1:5 Purana tungke' pésta, tuli moto'i Ayub maélé nanakkasuwiyangeng akkarobangeng untu' tungke'-tungke' ana'na kuwammengngi nariyaddampengeng ri PUWANGNGE. Saba' mappikkiri'i Ayub, weddissa jaji ana'-ana'naro madosani sibawa napakatunai Allataala tennattungkai.
1:6 Riséuwaé esso mangoloni mahlu'-mahlu' surugaé *mahlu' surugaé: mahlu' iya tumaningiyéngngi Allataala ri surugaé.* ri PUWANGNGE, na Ibillisi' *Ibillisi': mahlu' suruga iya riyangga'é selaku balinna tolinoé.* engka towi ri yelle'na mennang.
1:7 Makkutanani PUWANGNGE ri aléna, "Polé kégako?" Nappébali Ibillisi', "Silalona atatta sollé lao tulili sibawa jalajja'i sininna linoé."
1:8 Namakkutana PUWANGNGE, "Puraniga mupénessai atak-Ku Ayub? Ri sininna linoé dé'gaga tau iya makkuwaé matinuluna sibawa makessing atinna pada-pada aléna. Nasompa-Ka sibawa dé' sises-siseng napogau'i majaé."
1:9 Iyakiya mappébaliwi Ibillisi', "Tentuni nasompa-Ko Ayub nasaba tarimai pamale.
1:10 Tuli Mulinrungiwi aléna, kaluwargana sibawa sininna asugirenna. Mubarakkakiwi jama-jamanna sibawa Muwéréngngi maéga olokolo, genne untu' pennoiwi sininna wanuwaé.
1:11 Iyakiya akkalarapanna sininna asugirennaro Muwalai, pasti matterui tanroi-Ko!"
1:12 Namakkeda PUWANGNGE lao ri Ibillisi', "Makessinni, pogau'ni agi-agi lao ri sininna asugirenna Ayub, assaleng aja' mupeddiriwi!" Nalaona Ibillisi' polé ri yolona PUWANGNGE.
1:13 Siyagangngaré wettu ri munrinna mattengngangngi ana'-ana'na Ayub mappésta ri bolana kakana iya macowaé.
1:14-15 Tappa engka muna séddi suro polé lari-lari lao ri bolana Ayub sibawa laporo'i, "Puwang, poléi tau Syébaé *tau Syébaé: Suku passollé iya pojiyéngngi marrampo ri daéra Yattang.* gasaki wettunna sining sapingngé mattengngang rakkalai dare'é na sining kaleddé'é mattengngangngi mabbella ri seddéna. Narampasa'ni mennang iyaro sining olokolo'é, sibawa mpunoi ata-atanna Puwang iya engkaé kuwaro. Banna atatta bawang leppe angkanna weddingngi laporo'i ri Puwang."
1:16 Wettunna mabbicara mupa, poléni ata maduwaé makkeda, "Sining bimbala'na Puwang sibawa sining pakkampié nakennai letté angkanna maté maneng. Banna atatta bawang leppe angkanna weddingngi laporo'i ri Puwang."
1:17 Dé'pa napaja mabbicara, wettunna ata matellué polé mabbirittangngi, "Tellu pasukang parrampo Kasdim *Parrampo Kasdim: Suku passollé iya pojiyéngngi marrampo polé ri daéra Manorang.* pura rampasa'i sining untana Puwang sibawa mpunoi ata-atanna Puwang. Banna atatta bawang leppe angkanna weddingngi laporo'i ri Puwang."
1:18 Wettunna mabbicara mupi, poléni ata laingngé tiwi karéba, "Ana'-ana'na Puwang mattengngangngi mappésta ribolana ana'na Puwang macowaé.
1:19 Tappa polé muni anginrajaé mangiri polé ri padang kessi'é nanakennai bolaéro angkanna maruttung sibawa mpuno manengngi ana'na Puwang. Banna atatta ritu leppe angkanna weddingngi laporo'i ri Puwang."
1:20 Natettonna Ayub nanasapé'i pakéyanna tanrang masara. Nacukkuru'ni gemme'na, nainappa suju'
1:21 sibawa makkeda, "Rijajiyakka temmappunnai agi-agi, na matéka matti temmappunnaito agi-agi. PUWANGNGE pura mabbéréyangngi na PUWANGNGE muto pura malai. Ripojiwi asen-Na!"
1:22 Jaji, namuni nakenna Ayub sininna abalaéro, dé' napogau' dosa sibawa dé' napassalai Allataala.
1:2 Mappunnaiwi pitu ana' worowané sibawa tellu ana' makkunrai.
1:3 Ri lainnaéro mappunnaiwi maéga ata, 7.000 kajunna bimbala, 3.000 kajunna unta, 1.000 kajunna saping, sibawa 500 kajunna kaleddé. Riponcoki adaé, aléna iyanaritu tau kaminang sugi ri yelle'na pabbanuwaé ri daéra Alau.
1:4 Iya pitu ana' worowanéna Ayub mappunnai abiyasang untu' pakangka pésta ri bolona tungke'-tungke' secara makkaléléng. Ri péstaéro iya tellu ana' makkunrainna Ayub riundang towi, nainappa mennang manré ménung maneng sisama.
1:5 Purana tungke' pésta, tuli moto'i Ayub maélé nanakkasuwiyangeng akkarobangeng untu' tungke'-tungke' ana'na kuwammengngi nariyaddampengeng ri PUWANGNGE. Saba' mappikkiri'i Ayub, weddissa jaji ana'-ana'naro madosani sibawa napakatunai Allataala tennattungkai.
1:6 Riséuwaé esso mangoloni mahlu'-mahlu' surugaé *mahlu' surugaé: mahlu' iya tumaningiyéngngi Allataala ri surugaé.* ri PUWANGNGE, na Ibillisi' *Ibillisi': mahlu' suruga iya riyangga'é selaku balinna tolinoé.* engka towi ri yelle'na mennang.
1:7 Makkutanani PUWANGNGE ri aléna, "Polé kégako?" Nappébali Ibillisi', "Silalona atatta sollé lao tulili sibawa jalajja'i sininna linoé."
1:8 Namakkutana PUWANGNGE, "Puraniga mupénessai atak-Ku Ayub? Ri sininna linoé dé'gaga tau iya makkuwaé matinuluna sibawa makessing atinna pada-pada aléna. Nasompa-Ka sibawa dé' sises-siseng napogau'i majaé."
1:9 Iyakiya mappébaliwi Ibillisi', "Tentuni nasompa-Ko Ayub nasaba tarimai pamale.
1:10 Tuli Mulinrungiwi aléna, kaluwargana sibawa sininna asugirenna. Mubarakkakiwi jama-jamanna sibawa Muwéréngngi maéga olokolo, genne untu' pennoiwi sininna wanuwaé.
1:11 Iyakiya akkalarapanna sininna asugirennaro Muwalai, pasti matterui tanroi-Ko!"
1:12 Namakkeda PUWANGNGE lao ri Ibillisi', "Makessinni, pogau'ni agi-agi lao ri sininna asugirenna Ayub, assaleng aja' mupeddiriwi!" Nalaona Ibillisi' polé ri yolona PUWANGNGE.
1:13 Siyagangngaré wettu ri munrinna mattengngangngi ana'-ana'na Ayub mappésta ri bolana kakana iya macowaé.
1:14-15 Tappa engka muna séddi suro polé lari-lari lao ri bolana Ayub sibawa laporo'i, "Puwang, poléi tau Syébaé *tau Syébaé: Suku passollé iya pojiyéngngi marrampo ri daéra Yattang.* gasaki wettunna sining sapingngé mattengngang rakkalai dare'é na sining kaleddé'é mattengngangngi mabbella ri seddéna. Narampasa'ni mennang iyaro sining olokolo'é, sibawa mpunoi ata-atanna Puwang iya engkaé kuwaro. Banna atatta bawang leppe angkanna weddingngi laporo'i ri Puwang."
1:16 Wettunna mabbicara mupa, poléni ata maduwaé makkeda, "Sining bimbala'na Puwang sibawa sining pakkampié nakennai letté angkanna maté maneng. Banna atatta bawang leppe angkanna weddingngi laporo'i ri Puwang."
1:17 Dé'pa napaja mabbicara, wettunna ata matellué polé mabbirittangngi, "Tellu pasukang parrampo Kasdim *Parrampo Kasdim: Suku passollé iya pojiyéngngi marrampo polé ri daéra Manorang.* pura rampasa'i sining untana Puwang sibawa mpunoi ata-atanna Puwang. Banna atatta bawang leppe angkanna weddingngi laporo'i ri Puwang."
1:18 Wettunna mabbicara mupi, poléni ata laingngé tiwi karéba, "Ana'-ana'na Puwang mattengngangngi mappésta ribolana ana'na Puwang macowaé.
1:19 Tappa polé muni anginrajaé mangiri polé ri padang kessi'é nanakennai bolaéro angkanna maruttung sibawa mpuno manengngi ana'na Puwang. Banna atatta ritu leppe angkanna weddingngi laporo'i ri Puwang."
1:20 Natettonna Ayub nanasapé'i pakéyanna tanrang masara. Nacukkuru'ni gemme'na, nainappa suju'
1:21 sibawa makkeda, "Rijajiyakka temmappunnai agi-agi, na matéka matti temmappunnaito agi-agi. PUWANGNGE pura mabbéréyangngi na PUWANGNGE muto pura malai. Ripojiwi asen-Na!"
1:22 Jaji, namuni nakenna Ayub sininna abalaéro, dé' napogau' dosa sibawa dé' napassalai Allataala.
Comments
Post a Comment